×
  • Lajme
  • Lajme

    Raka: Qytetarët dhe politikanët kontribuuan në shtimin e rasteve me COVID-19

    FrontOnline
    10 Korrik 2020

    Java e fundit e qershorit dhe fillimi i muajit korrik kanë shënuar rritje të numrit të personave të infektuar me COVID-19 në Kosovë. Madje, më datën 8 korrik, në vendin tonë për një ditë u konfirmuan 214 raste, duke shënuar kështu numrin më të lartë të personave të infektuar me virus që nga paraqitja e rasteve të para me virus (13 mars).

    E rritjes së rasteve me COVID-19, mikrobiologu Lul Raka thotë se i kanë kontribuar të gjithë, qytetarët dhe politikanët.

    Raka ka thënë se trendi i rritjes së numrit të rasteve në javën e fundit është shqetësuese.

    “Trendi i rritjes së numrit të rasteve në javën e fundit është shqetësues. Shtylla kryesore e përgjigjes ndaj pandemisë është kapaciteti shëndetësor i Kosovës, i cili po mbingarkohet çdo ditë.
    Kësaj rritje i kemi kontribuar të gjithë: qytetarët, të cilët nuk i përfillin fare masat parandaluese. Por, edhe politikanë, të cilët vazhdojnë ta përdorin COVID-19 si monetë për kusuritje të ndërsjellë. Po ashtu, nuk duhet harruar edhe të dhënat e ditëve të fundit që flasin për mutacionin e virusit, me të cilën mundësohet përhapja më e lehtë dhe e shpejtë e tij”, ka deklaruar ai.

    Duke folur për situatën epidemiologjike, Raka thotë se rënie të rasteve mund të ketë vetëm nëse zbatohen strikt masat parandaluese, përndryshe trendi i përhapjes masive në komunitet do të vazhdojë.

    “Nuk po kërkojmë ndonjë gjë abstrakte as të parealizueshme nga qytetari: distancë fizike, maskë dhe higjienë të duarve. Rënie mund të pritet të ketë vetëm nëse zbatohen strikt masat parandaluese. Përndryshe, trendi i përhapjes masive në komunitet do të vazhdojë”, potencoi ai.

    Kurse sa i përket rikthimit të masave kufizuese, Raka thotë se karantimi i plotë është zgjedhja e fundit nga Qeveria.

    “Edhe në këtë fushë janë përsëritur problemet ligjore e politike që e ngarkojnë komponentin shëndetësor. Një pjesë e masave janë ndërmarrë tashmë, kurse karantinimi i plotë është zgjidhja e fundit nga qeveria”, theksoi ai për Telegrafin.

    Ndërkaq, që nga fillimi i pandemisë COVID-19 e deri më tani në Kosovë më coronavirus janë infektuar 4 mijë e 307 persona, 2 mijë e 118 janë shëruar kurse janë regjistruar edhe 94 raste të vdekjes të cilët kanë pasur sëmundje tjera shoqëruese.

    Instituti Kombëtar i Shëndetësisë Publikë në Kosovë ka bërë të ditur se aktualisht në vendin tonë raste aktive me virus janë 2 mijë e 118.

    Komunat që kanë më së shumti qytetarë të infektuar me virusin COVID-19 janë: Prishtina 1 mijë e 209, Vushtrria 397 raste, Prizren 377 raste, Ferizaj 321 raste, Gjilan 252 raste Pejë 202 raste, Mitrovicë 198 raste, Fushë Kosovë 180 raste.

    KEDS fillon pilot projektin për inspektimin e rrjetit elektrik me dron
    Nga Rubrika
    Bota/Rajoni28 Mars 2024
    Aleanca për Shqiptarët e Ziadin Selës i bashkohet Frontit Evropian. Ky vendim erdhi pas mbledhjes së Kuvendit Qendror të kësaj partie. Pas...
    Lajme28 Mars 2024
    Zëvendëskryeministri shqiptar në Qeverinë e Malit të Zi, Nik Gjeloshaj, ka thënë se qëndrimi zyrtar i tyre për Kosovën nuk ka ndryshuar....
    Lajme28 Mars 2024
    Bashkëkryesuesi i Komisionit Parlamentar për Stabilizim Asociim BE–Kosovë, Lukas Mandl ka deklaruar se Kosova i ka plotësuar të gjitha kushtet për anëtarësim...
    Të tjera
    Lajme28 Mars 2024
    Lidhur me situatën e grave në Kosovë, Valdete Idrizi, aktiviste e të drejtave të njeriut, feministe dhe aktiviste e paqes, ka theksuar...
    Lajme28 Mars 2024
    Në garë me gati 400 Universitete, ekipi i fakultetit juridik të Universitetit të Prishtinës, arriti në top 3-shen më të mirë në...
    Lajme28 Mars 2024
    Presidentja e Kosovës, Vjosa Osmani ka takuar sot Delegatin Apostolik të Selisë së Shenjtë për Kosovën, nuncin Jean Marie Speich. Raportet në...
    Vip28 Mars 2024
    Aktori i mirënjohur shqiptar, Enver Petrovci, ka qenë para pak ditësh i ftuar në “Show i së premtes” me Adelina Ismailin. Ai...
    Lajme28 Mars 2024
    Deputeti i PDK-së, Rashit Qalaj, është shprehur i bindur se kandidati i tyre Bedri Hamza, do jetë kryeministri i ardhshëm i Kosovës....
    Lajme28 Mars 2024
    Vigjilencë nga institucionet e sigurisë kërkon edhe ish-komandanti i FSK-së, Kadri Kastrati. Ai në një prononcim për Front Online tha se Serbia...

    FrontOnline, © 2024 Të gjitha të drejtat e rezervuara.