Ministrja e Punëve të Jashtme dhe Diasporës, Donika Gërvalla, ka deklaruar se Milan Radojçiq duhet t’i dorëzohet Kosovës, kjo deklaratë e saj vjen pasi autoritetet serbe e liruan atë nga paraburgimi.
Radojçiq e ka marrë përgjegjësinë për sulmin terrorist më 24 shtator në veri, për këtë ai është dënuar me ndalim të shkuarjes në Kosovë, si dhe i është marrë pasaporta.
Për këtë, Gërvalla thotë se procesi kundër Radojçiqit është vetëm farsë e Beogradit
Në këtë mënyrë, kryediplomatja kosovare thotë se grupi terrosist është urdhëruar nga Serbia. Në atë sulm terrorist mbeti i vrarë polici, Afrim Bunjaku.
”Lirimi i shpejtë i terroristit Radoiçiq një ditë pas arrestimit të tij në Serbi dëshmon se i gjithë ky proces është një farsë. Shteti serb urdhëroi sulmin ndaj Policisë së Kosovës dhe nuk mund të pritet që të japë drejtësi. Radoiçiq duhet t’i dorëzohet Kosovës tani”, ka shkruar ajo në Twitter.
The swift release of terrorist Radoičić the day after his arrest in Serbia proves that this entire process is a charade.
The Serbian state ordered the attack on the Kosova Police, and cannot be expected to deliver justice.
Radoičić must be handed over to Kosova now. pic.twitter.com/hs3bJ95zB6
— Donika Gërvalla-Schwarz (@gervallaschwarz) October 4, 2023
