Kryetari i Komunës së Prishtinës, Shpend Ahmeti, ka propozuar që çdo qytetari të Prishtinës të konfirmuar me COVID-19, bazuar në listat e IKSHPK-së, të subvencionohet me 50 euro.

Ai tha se deri në fund të këtij viti, komuna ka mjaftueshëm buxhet për ta përballuar, anipse dëshira e tij është që të infektuarit të subvencionohen me nga 250 euro.

“Kam kërkuar nga Qeveria që ta bëjmë një program të përbashkët, por s’morra përgjigja. Dëshira ime është të bëjmë nga 250 euro subvencion por nuk i kemi ato kushte si komunë. Besoj që me nga 50 euro do të kemi buxhet deri në fund të vitit”, tha Ahmeti.