Qindra biznese “nën dry” gjatë pandemisë, Ligji pret deputetët derisa t’i përfundojnë pushimet!

Koronavirusi i goditi fort bizneset.

Afër 450 sosh u mbyllën si rrjedhojë e tij që prej marsit kur shpërthyen rastet e para e deri në muajin gusht.

Goditjen e dytë, atyre, ia dhanë deputetët kur me 14 gusht vendosën të mos votojnë pro Ligjit për Rimëkëmbje Ekonomike.

Në Odën e Afarizmit të Kosovës thonë se Kosova kështu po shkon drejt një krize të re ekonomike.

“Shteti nuk është duke bërë veprimin e duhur. Vetë veprimi i i paralementit që të shkojë në pushim në një gjendje te jashtëzakoshme, tregon mosefikasitetin dhe mosvullnetin e tyre për ta perkrahur biznesin dhe qytetarin e Kosovës”, tregoi Skender Krasniqi, kryetar i OAK-ut, për Front Online.

E deputetët edhe nëse ndryshojnë mendje për këtë ligj nuk do të kenë mundësi ta bëjnë asgjë deri me 14 shtator kur edhe nisin punimet e sesionit vjeshtor.

Vonesat e këtilla, sipas kryetarit të Odës së Afarizmit të Kosovë, Skender Krasniqi, do të shkaktojnë dëme të mëdha në shumë fusha.

“Dëmet do të jenë, rënia tek të hyrat e shtetit. Rënia të hyra për biznesin. Rënia e punësimit. Do të ketë rënie drastike”, u shpreh ai për Front Online.

Shkuarjen në pushim të ligjvënësve pa e zgjidhur çështjen e Ligjit për rimëkëmbje ekonomike, po e kritikojnë edhe ekspertët e ekonomisë.

Ekonomisti, Safet Gerxhaliu, thotë se në një situatë emergjente si kjo, partitë politike duhet të  bëhen bashkë për ta këndellur ekonominë.

“Situata është emergjente. Duhet të gjthë akteret politikë të jenë të unifikuar dhe prioritet të jetë zhvillim ekonomik. Ka ligje bazike të pavotuara në parlement. E parlamenti të shkojë në pushim kjo dëshmon se në Kosovë më shumë flitet per rimëkëmbje ekonomike sesa që behet”, tregoi ai për Front Online.

Në kuadër të ligjit për imëkëmbje ekonomike janë paraparë që shfrytëzohen 385 milionë euro për t`u dal në ndihmë bizneseve.

Ligji në rast se merr pëlqimin e deputetëve do të mbetej në fuqi deri më 31 dhjetor, 2021.

Pas kësaj date, të gjitha dispozitat e këtij ligji do të shfuqizohen në mënyrë automatike. /FRONT ONLINE

Kush ështe kosovari THE VICTOR që synon tregun e jashtëm? (video)

Sponsoruar