Qeveria e Kosovës ka miratuar shqyrtimin e Nismës për nënshkrimin e marrëveshjes financiare trepalëshe në mes Bashkimit Europian, Kosovës dhe Maqedonisë së Veriut për vitin 2020 për bashkëpunim ndërkufitar IPA II mes Kosovës dhe Maqedonisë.

Zëvendëskryeministri Driton Selmanaj që prezantoi këtë pikë të rendit të ditës në mbledhjen e sotme të Qeverisë tha se kjo marrëveshje do të mundësojë që të rritet fondi nga IPA.

“Marrëveshja përfshin në tërësi një shumë prej 1 milionë e 80 mijë euro. Përmes të cilave synohet të nxitet zhvillimi i zonave kufitare mes Kosovës dhe Maqedonisë së Veriut, mbrojtja mjedisore, parandalimi dhe menaxhimi rrezikut, tregtia dhe investimet”.

Qeveria votoi pro pa asnjë kundërshtim dhe abstenim.

https://www.facebook.com/FrontOnlineMedia/videos/581514295869840/