×
  • Lajme
  • Lajme

    Qeveria Hoti nuk u interesua për Nezir Mehmetajn, familja presin seancën gjyqësore për lirimin e tij

    FrontOnline
    21 Tetor 2020

    Janë bërë 10 muaj prej se kosovari, Nezir Mehmetaj ishte arrestuar nga autoritete serbe dhe po vazhdon të mbahet në paraburgim. Atij i është vazhduar masa e paraburgimit edhe për 30 ditë. Ndërkaq, shteti i Kosovës e ka lënë në harresë krejtësisht rastin e tij.

    As Qeveria jetëshkurtër e Kurti dhe as kjo aktualja e Hotit nuk arritën ta kthejnë në Kosovë qytetarin e tyre, i arrestuar nga autoritetet serbe të bazuara në vetëm një deklaratë të një gruaje rome, lidhur me dyshimet për krime lufte.

    Derisa, Nezir Mehmetaj pritet që shumë shpejt të dal në seancë gjyqësore ku edhe do të vendoset për fatin e tij, kështu ka bërë të ditur për lajmi.net vëllai i tij Valoni, i cili shprehet i indinjuar me mos-reagimin dhe mos-ndërmarrjen e veprimeve nga autoritetet kosovare.

    “Kemi kontaktuar me avokatin, iu është vazhduar edhe për 30 ditë paraburgimi. Po presim që me dal në seancë gjyqësore që të vendoset. Avokatët kanë shpresa që të lirohet në seancë, por të sigurt nuk jemi asgjë. Por përderisa po bëhen fabrikime nga ana e Serbisë nuk e dimë çka mundet me kanë rezultati përfundimtarë. Mirëpo shpresat janë pozitive sepse nuk ka fakte kundër tij”, ka thënë ai.

    Ai ka thënë se tashmë si familje janë mobilizuar për të gjetur mënyra tjera për lirimin e vëllait të tyre, pasi shteti i Kosovë nuk është duke bërë asgjë. Ndërsa Valoni shpreson në lirimin e Nezirit, pasi thotë se autoritetet serbe nuk kanë fakte kundër vëllait të tij.

    “Më të thënë të drejtën ne një kohë jemi munduar të kontaktojmë edhe me Ministrinë edhe me çdokënd që kemi menduar që mundet me ndihmu në lirimin e tij, por e kemi parë që nuk ka asgjë vetëm premtime. Prandaj e kemi lënë këtë dhe po merremi vetë personalisht si familje për të parë nëse mundemi me bë një zgjidhje. Të gjithë e din rastin, Ministria duhet që të interesohet vetë, nuk ka nevojë me ju bë presion. Kur është në pyetje një qytetar i Kosovës ata duhet vetë që të interesohen”, ka thënë Valon Mehmetaj.

    Ai po ashtu ka treguar për lajmi.net, se gjendja e vëllait të tij, i cili gjendet në paraburgim në Serbi, është e mirë.

    “Vajza e tij ka qenë javë e kaluar në vizitë. Vëllai i ka thënë se është mirë, nuk ka diçka ndonjë maltretim apo diçka. Vajza ka thënë se duket pak më ligsht me shëndet, por jo i lodhur shumë”, ka thënë Mehmetaj.

    Reagimi i fundit shtetëror lidhur me rastin e Nezir Mehmetajt ishte më 14 mars, ku ministri në detyrë i Punëve të Jashtme, Glauk Konjufca, kërkoi nga shefi i diplomacisë evropiane, Joseph Borrell, të përdorë autoritetin e tij për lirimin e Mehmetajt.

    Ndërkohë Gjykata e Lartë në Beograd gjatë muajit gusht, për herë të tretë ia ka kthyer Prokurorisë aktakuzën kundër Nezir Mehmetaj për plotësim. Atë po e akuzojnë për krime lufte kundër civilëve në fshatin Rudicë, komuna e Klinës, në qershor dhe korrik të vitit 1999.

    Prokuroria e Serbisë ka ngritur aktakuzë ndaj Mehmetajt në muajin korrik, por tashmë asaj i është kthyer për plotësim.

    Ndryshe, Mehmetaj është arrestuar më 3 janar të këtij viti në pikën kufitare në Merdarë dhe që nga atëherë është në paraburgim.

    Atë ditë, ai ishte nisur për Nish bashkë me nënën e tij për një vizitë mjekësore. Për tri orë me radhë, familjarët e Mehmetajt kishin pritur në Merdarë për të marrë informacione për ndalimin e Mehmetajt, por që të njëjtat nuk i kishin marrë. /Lajmi.net/

    Përfito FALAS një pushim për çift në Budva
    Nga Rubrika
    Lajme29 Mars 2024
    Drejtoria Rajonale e Policisë Gjilan, njësia rajonale e trafikut rrugor dhe stacionet policore të Drejtorisë Rajonale të Policisë Gjilan gjatë periudhës kohore...
    Lajme29 Mars 2024
    Presidentja e Kosovës, Vjosa Osmani, ka kujtuar masakrën e Belegut në Deçan, në përvjetorin e 25-të ku u vranë 46 shqiptarë. Osmani...
    Lajme29 Mars 2024
    Kryeministri i Kosovës, Albin Kurti, sot do të takohet me disa nga studentët romë, ashkali dhe egjiptianë, në një tryezë të rrumbullakët...
    Të tjera
    Lajme29 Mars 2024
    Ish-kryeministri i Malit të Zi, Dritan Abazoviq, ka thënë se vota kundër Kosovës e Malit të Zi në Komitetin për Politikë dhe...
    Bota/Rajoni29 Mars 2024
    Dy tërmete kanë goditur mëngjesin e ditës së premte Greqinë. Sipas mediave të huaja, përcjell Telegrafi, bëhet fjalë për dy tërmete, njëri...
    Lajme29 Mars 2024
    Lidhur me çështjen e rrymës në veri për Front Online ka folur edhe kryesuesi i Asamblesë Komunale të Mitrovicës Veriore, Nexhat Ugljani....
    Lajme29 Mars 2024
    Sot do të mbahet mbledhja e radhës e Kryesisë së Kuvendit. Në rend dite votimi i disa marrëveshjeve ndërkombëtare e themelimi i...
    Lajme29 Mars 2024
    Edhe Ministrja e Drejtësisë, Albulena Haxhiu ka sfiduar opozitën, duke thënë se janë të gatshme për zgjedhje të reja, madje qysh javën...
    Lajme29 Mars 2024
    Shoqata e Kosovës për Kërkim dhe Shpëtim ka bërë të ditur se po vazhdojnë kërkimet për gjetjen e një personi të zhdukur...

    FrontOnline, © 2024 Të gjitha të drejtat e rezervuara.