[wp-story]

Bota/Rajoni

Qeveria franceze dorëzohet para protestuesve, tërhiqet nga reforma e pensioneve

Qeveria franceze dorëzohet para protestuesve, tërhiqet nga reforma e pensioneve
16:39 | 13 Janar 2020

Trysnia e protestuesve në Francë  e ka lëkundur qëndrimin e qeverisë. Përmes një letre, kryeministri Edouard Philippe u shpreh i gatshëm të tërhiqet nga pjesa e reformës së pensioneve, e cila e rrit daljen e moshës në pension nga 62 në 64 vjec.

Presidenti Emmanuel Macron e përshkroi këtë si një “kompromis konstruktiv”. Laurent Berger, sekretari i përgjithshëm i njërës prej sindikatave më të mëdha në vend, CFDT, e përshëndeti lëshimin e bërë nga ekzekutivi, duke e përshkruar si një “ fitore” për sindikalistët.

“Arritëm tërheqjen e moshës së pensionit, ky është një ngadhnjim për ne. Tani do të vazhdojmë aksionin tonë për një sistem më të drejtë e të unifikuar pensioni”, shkroi ai në Twitter.

Sindikata CGT ndërkohë tha se oferta e kryeministrit shërbente vetëm për t`I hedhur hi syve protestuesve dhe sqaroi përmes një deklarate se është më e vendosur se kurrë që ta ndalojë “ një herë e mirë këtë reformë”. Protestat kundër planeve të Emmanuel Macron për reformimin e sistemit vendas të pensioneve kanë hyrë tashmë në ditën e 38-të, dhe e kanë gjunjëzuar keqas transportin në pjesë të ndryshme të Francës, sidomos atë hekurudhor.

Të shtunën, tubuesit zbritën sërish në rrugët e Parisit dhe qyteteve të tjera, e marshimi I tyre në disa raste mori kthesë të dhunshme pasi grupe protestuesish thyen vitrina e dogjën kosha mbeturinash dhe billborde, ndërsa policia iu kthye me gaz lotsjellës.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera