Avokati Qerkini thotë se publikimi i aktakuzës si është bërë nga ana e Speciales është në kundërshtim me rregullat e procedurave gjyqësore, por që Thaçi deri në një vendim të prerë është i pafajshëm.

“Faza e gjykimit fillon tek pas konfirmimit të aktakuzës, ai është ende i dyshuar dhe ai do të kaloj në statusin e personit të akuzuar vetëm nëse konfirmohet aktakuza, si ndaj çdo personi të pandehur edhe ndaj z. Thaçi. Mënyra se si është publikuar aktakuza është në kundërshtim me rregullat e procedurës sepse pa u konfirmuar aktakuza ajo nuk është dashur të publikohet”, tha ai për Front Online.