×
  • Lajme
  • Lajme

    Qerkini: Dosjet e dorëzuara në OVL të UÇK-së janë një befasi

    FrontOnline
    07 Shtator 2020

    Avokati, Artan Qerkini ka folur për katër mijë dosjet që u kanë shkuar në zyrë Organizatës së Veteranëve të Luftës së UÇK-së.

    Qerkini ka deklaruar se kjo është një befasi se si ka mundësi që disa të ashtuquajtura prova t’i vihen në dispozicion një organizate që nuk ka qenë as subjekt i hetimeve dhe as subjekt i ndonjë aktakuze.

    “Procedurë e pazakontë në vete, mbetet të shihet se si do të trajtohet kjo çështje, sepse është çështje mjaft serioze. OVL e UÇK-s paralajmëroi se ato prova do t’i dorëzojë në zyrën e prokurorit të specializuar, po besojë se nga ajo zyre do të merret një përgjigje e shpejtë se në çfarë mënyre ato të ashtuquajtura prova të kenë mundësi të kenë dalë nga zyra prokurorit të specializuar apo nga gjykata. Ata e kanë për obligim të japin një shpjegim se si ka ndodh kjo”.

    “Sepse procedurat janë të qarta në përputhje me rregulloren e procedurës së provave, provat i dorëzohen vetëm të pandehurit dhe mbrojtësit të tij apo më shumë mbrojtësve, një kopje i dorëzohet edhe gjykatës që duhet ta bëjë administrimin e tyre nëse vije deri tek shqyrtimi gjyqësor. Kjo është procedura standarde e veprimit, mirëpo ne po e shohim se në këtë rast kjo procedurë si duket nuk është respektuar megjithëse nuk dua të paragjykojë asgjë”, ka thënë ai në Klan Kosova.

    Ai ka thënë se çdo provë që shqyrtohet nga një gjykatë për të prodhuar efekte juridike duhet të jetë autentike.

    “Për të kontestuar autenticitetin e saj natyrisht palët kanë mundësi pasi ta ekzaminojnë një dokument ta kontestojnë edhe autenticitetin e tij. Kjo bëhet gjithmonë në procedurën e provave në shqyrtimin gjyqësor , tash këto prova që i kanë në posedim OVL e UÇK, nuk i kemi parë as nuk mundemi të deklarohemi për autenticitetin e tyre. Është shumë e natyrshme që prokuroria të njoftohet, vendimi për ta njoftuar prokurorinë është për tu përshëndetur dhe prokuroria do të bëjë hetimet se në çfarë forme ato dokumente kanë dalë jashtë prokurorisë apo gjykatës”.

    I pyetur se nëse këto dokumente kanë rrjedhur nga Gjykata Speciale siç thonë nga OVL e UÇK-së, avokati deklaroi se do të rrënohet kredibiliteti i saj.

    “Nëse këto dokumente kanë rrjedh nga Gjykata Speciale, atëherë seriozisht do të rrënohet kredibiliteti i saj, nëse gjykata në mënyrë flagrante i shkel rregulloret që vet i ka nxjerr atëherë nuk ka dilemë që gjykata nuk është kredibile të merret me rastet e këtij profili”.

    “Sepse do ta humbas profilin që ajo gjykatë do të mundtë zhvillojë procedura prej të cilave mund të garantohen të drejtat e të pandehurve që njihen me Kushtetutën e Kosovës dhe me Konventën Evropiane për të drejtat e njeriut. Kjo gjykatë nuk do të mund të jetë e aftë më të gjykojë rastet e këtij profili”, ka thënë Qerkini.

    Big Brother VIP Albania në NimiTV
    Nga Rubrika
    Lajme29 Mars 2024
    Punëtorët e Telekomit të Kosovës, nuk i kanë marrë ende pagat, për shkak të bllokimit të llogarive financiare. Ata në shenjë pakënaqësie...
    Lajme29 Mars 2024
    Presidentja Vjosa Osmani ka falënderuar të gjithë ata që po e përkrahin Kosovën në procesin e anëtarësimit në Këshillin e Europës. Ajo...
    Lajme29 Mars 2024
    Ministri i Mbrojtjes i Italisë, Guido Crosetto, pas takimit me homologun kosovar, Ejup Maqedonci në Prishtinë, ka deklaruar se stabiliteti i Ballkanit...
    Të tjera
    Lajme29 Mars 2024
    Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave...
    Lajme29 Mars 2024
    Tri seanca plenare do të mbahen në javën e ardhshme në Kuvendin e Kosovës. Kështu ka bërë të ditur shefja e grupit...
    Lajme29 Mars 2024
    Ambasadori i Kosovës në Kroaci, Martin Berishaj, po intervistohet nga Prokuroria e Speciale në Prishtinë. Sipas RTK-së, Berishaj gjendet në Prokurorinë Speciale...
    Lajme29 Mars 2024
    Instituti Kombëtar i Shëndetësisë Publike të Kosovës gjatë mbikëqyrjes permanente të situatës epidemiologjike në vend ka konstatuar një rritje të lehtë të...
    Lajme29 Mars 2024
    Shefi i grupit parlamentar i LDK-së, Arben Gashi, konsideron se sot është njëra ndër ditët më të këqija të parlamentarizmit në Kosovë....
    Sport29 Mars 2024
    Organizatori i Kampionatit Evropian, UEFA tha të enjten se do të dëgjojë trajnerët e ekipeve kombëtare nëse duan të zgjerojnë numrin e...

    FrontOnline, © 2024 Të gjitha të drejtat e rezervuara.