Qendra e Studentëve e gatshme për pranimin e studentëve të rinj

Pandemia COVID-19, përveç procesit mësimor, ka pezulluar edhe punën në Qendrën Studentore në Prishtinë, shkruan GazetaBlic.Që nga muaji mars, asnjë studentë nuk ka qenë i vendosur nëpër Konviktet e Prishtinës.Fillimisht Qendra Studentore, ishte shndërruar në vend për karantinimin e personave të dyshuar apo të prekur me koronavirus.

Teksa, procesi mësimor ka filluar për nivelet e ulëta dhe të mesme, ende nuk është ndërmarrë ndonjë veprim për studentët e Universiteteve Publike.Kjo ka bërë që menaxhmenti i Qendrës Studentore, të mos dijë se kur duhet të fillojnë strehimin e studentëve.Mirëpo, drejtori i kësaj qendre, Fatmir Sfishta, në një bisedë për GazetaBlic, thotë se ata janë të gatshëm për sistemimin e studentëve të rinj nëpër konvikte dhe në menzë.

Por, shprehet se ende nuk kanë marrë ndonjë njoftim nga ana e Ministrisë së Arsimit, Shkencës dhe Teknologjisë.Madje, si thotë se pa u njoftuar nga ana e ministrisë, ata nuk mund të hapin konkurs për pranimin e studentëve.

“Ne jemi duke i bërë të gjitha përgatitjet që të fillojë viti akademik. Mirëpo, ende nuk ka ardhur ndonjë vendim për vendosjen e studentëve nga ana e Ministrisë së Arsimit dhe nga Ministria e shëndetësisë dhe Institutit. Ne jemi duke pritur vendim nga ta se çfarë do të vendosim për fillimin e regjistrimit, ka thënë Sfishta për GazetaBlic.

“E dimë se çdo vitë konkursi për aplikimin në Qendrën Studentore bëhet në fillimi te muajit shtator. Mirëpo, për shkak të situatës së krijuar nga pandemia Covid-19 ende nuk kemi diçka zyrtare”, shtoi ai.Udhëheqësi i Qendrës Studentore, shprehet se ata janë ta gatshëm për çfarëdo vendimi që vjen nga ana e Ministrisë së Arsimit.“Ne jemi duke pritur vendim nga ta se çfarë do të vendosim për fillimin e regjistrimit”, ka përfunduar Fatmir Sfishta.

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Sponsoruar