Më 2018 është hartuar një projektligj për Mbrojtjen e Informacionit të Klasifikuar, ende pa miratim.

Për afër dy vite ka qenë në krye të institucionit më të lartë të sigurisë në vend.

Agron Selimaj, ish shef i Agjencisë së Kosovës për Inteligjencë pas dorëheqjes, është angazhuar si avokat.

Këtë profesion e ushtron edhe tash.

Kështu ka konfirmuar shkurt për televizionin vetë Selimaj.

Ndërkohë, në Kosovë nuk ka një rregullim ligjor që saktësisht definon çfarë pune mund të kryejnë ish drejtorët e AKI-së e çka iu ndalohet.

Se një gjë e tillë është problematike, e pranojnë edhe në Komisionin Parlamentar për Mbikëqyrjen e AKI-së.

Kryetari i këtij mekanizimi, Fatmir Xhelili thotë se do të tentohet të arrihet një rregullim për këtë çështje.

Pos drejtorit të AKI-së, informacione të rëndësishme kanë edhe ish zyrtarë të lartë, përfshirë presidentin, kryeparlamentarin, kreun e Policisë, etj.

Ndërkohë, ne vitin 2018 ishte iniciuar një projektligj, për mbrojtjen e informacionit të kalsofikuar në përgjithesi.

Ndërsa, brenda këtij ligji ishte menduar të rregullohej edhe çështja e ish zyrtarëve të lartë, që kanë pasur qasje në informacion të klasifikuar.

Me këtë projektligj parashihej themelimi i një Agjencia për Mbrojtjen e Informacionit të Klasifikuar.

Njohës të çështjeve juridike në vend, e konsiderojnë si tejet të nevojshëm miratimin e këti projektligji.

Juristi Kushtrim Palushi, thotë se aktualisht personat që kanë qajse në informacion të klasifikuar, lehtë mund ta keqpërdorin atë.

Sipas Palushit ky ligj do të rregullonte edhe çështjen e përgjegjësisë së zyrtarëve pas përfundimit të mandatit.

Televizioni, për disa ditë ka pritur përgjigje nga Zyra e Kryeminsitrit, në lidhje me këtë projektligj dhe mundësinë që i njëjti të dërgohet për miratim në Kuvendin e Kosovës, por të njëjtit nuk janë deklaruar.

Qëllimi i këtij ligji është themelimi i një sistemi unik për mbrojtjen e infomacionit të klasifikuar që kanë të bëjnë me interesat e sigurisë së Republikës së Kosovës.