×
  • Lajme
  • Lajme

    PZAP thotë se nuk kanë pranuar asnjë ankesë për zgjedhjet në Podujevë e Mitrovicë të Veriut në PZAP

    FrontOnline
    01 Dhjetor 2020

    Partitë politike pjesëmarrëse në zgjedhjet e së dielës për kryetar të komunës së Podujevës dhe asaj të Mitrovicës Veriore, nuk kanë dorëzuar asnjë ankesë në Panelin Zgjedhor për Ankesa dhe Parashtresa (PZAP), ndonëse ka pasur paralajmërime për një gjë të tillë nga partitë politike.

    Kryesuesi i Panelit Zgjedhor për Ankesa dhe Parashtresa, Shukri Sylejmani, tha për KosovaPress se nuk kanë pranuar asnjë ankesë për zgjedhjet e të dielës.

    Ai thotë se si PZAP kanë qenë të gatshëm që të merren me ankesat eventuale të partive politike rreth procesit zgjedhor në të dy komunat, e mos paraqitja e ankesave sipas tij mund të merret si arsye se zgjedhjet kanë qenë të rregullta dhe të qeta.

    “Edhe pse kanë qenë të paralajmëruara një numër jo bash edhe i vogël i ankesave që lidhen me ditën e votimit ato nuk janë sjell në Panelin Zgjedhor për Ankesa dhe Parashtresa. Ne si institucion kemi qenë në gatishmëri gjatë gjithë ditës së diele edhe pse afati i ankesave subjekteve politike dhe kandidatëve të pavarur iu rrjedh prej orës 19 ditën e diel deri në orën 19 ditën e hëne. Ne gjatë gjithë ditës së diel kemi qenë në PZAP të gjithë stafi administrativ dhe paneli i gatshëm me u marr me ato ankesa, por nuk janë paraqitur. Kjo si duket është refleks i një konstatimi të përgjithshëm se këto zgjedhje kanë qenë të qeta dhe të rregullta”, tha ai.

    Megjithatë, ai thotë se ankesa nga partitë politike pjesëmarrëse në zgjedhjet e të dielës mund të ketë edhe gjatë fazës së numërimit të votave dhe pas shpalljes përfundimtare të rezultatit zgjedhor.

    “Kjo nuk do të thotë se në fazat e mëvonshëm, procedurat e mëvonshme nuk do të ketë ankesa. Përkundrazi, mund të ketë se kemi edhe fazën e mëvonshme që është faza e numërimit dhe faza e shpalljes përfundimtare të rezultatit zgjedhor ku mund të ketë ankesa. Ne si institucion jemi të gatshëm, jemi në gatishmëri, kështu që sa i përket neve nuk do të ketë asnjë problem për t’u marr me këto ankesa, për t’i shqyrtuar krejt me një qëllim që këto zgjedhje në fund të dalin të drejta, të rregullta, të pranueshme për të gjitha subjektet politike”, tha ai.

    Sylejmani bëri të ditur se është hera e parë që në një proces zgjedhor nuk ka pasur ankesa nga partitë politike që kanë marrë pjesë në ato zgjedhje.

    “Asnjëherë nuk ka ndodhur në një proces zgjedhor për zgjedhje komunale, se për zgjedhje të përgjithshme dihet, mos me pas ankesa. Kjo mund të jap disa konstatime që tani ka ndryshuar edhe kultura zgjedhore, zgjedhjet janë më të rregullta, janë më të qeta dhe si përfundim janë edhe të pranueshme”, tha ai.

    Të dielën në Komunën e Podujevës dhe atë të Mitrovicës Veriore janë zhvilluar zgjedhjet e jashtëzakonshme për të zgjedhur kryetarin. Në Podujevë ka fituar kandidati i LVV-së, Shpejtim Bulliqi, ndërsa në Mitrovicën Veriore kandidati i Listës Serbe, Milan Radojevic./FrontOnline/

    Artani paralajmëron Xhulin: Ruaju!
    Nga Rubrika
    Lajme28 Mars 2024
    Njësia e Antidrogës së Policisë së Kosovës kanë zhvilluar sot një aksion në rajonin e Prizrenit dhe Gjakovës. Gjatë bastisjeve në këto...
    Lajme28 Mars 2024
    Ish-deputeti i VV’së, Fatmir Humolli ka folur nëse Bedri Hamza ka mundësi ta mposhtë Albin Kurtin.Por, sipas Humolli garat duhet të bëhen...
    Lajme28 Mars 2024
    Lidhja Demokratike e Kosovës “është dashuruar” në frazën “Hajnat n’burg” – frazë kjo e përdorur shumë nga Lëvizja Vetëvendosje sa ishte në...
    Të tjera
    Vip28 Mars 2024
    Këngëtari dhe moderatori, Robert Berisha ka treguar aftësi edhe si fermer shumë i mirë. Ai së fundi është bërë pjesë e “Ferma...
    Lajme28 Mars 2024
    Në mungesë kuorumi, Kuvendi i Kosovës ka dështuar të miratojë themelimin e komisionit hetimor parlamentar për tenderët njëburimorë. Në sallë ishin të...
    Opinione28 Mars 2024
    Nga: Albert Prenkaj Situata e re e krijuar me inkursionin ushtarak rus në Ukrainë dhe mundësia e derdhjes së konfliktit në Ballkan...
    Bota/Rajoni28 Mars 2024
    EMSC njoftoi se të mërkurën në mbrëmje, rreth orës 22:19, veriu i Italisë u godit nga një tërmet i fortë. Sipas njoftimit...
    Vip28 Mars 2024
    Aludimet se banorët e BBV3 komunikojnë me të afërmit e tyre jashtë po shtohen dita ditës. Para pak kohësh, një video virale...
    Lajme28 Mars 2024
    Kryetari i Podujevës, Shpejtim Bulliqi ka bërë homazhe pranë lapidarëve të familjeve Bogujevci, Duriqi dhe Llugaliu, në 25–vjetorin e vrasjes së tyre....

    FrontOnline, © 2024 Të gjitha të drejtat e rezervuara.