×
  • Lajme
  • Lajme

    Publikohen pamjet e gjuajtjes me armë në Prishtinë ku u shkrepën 21 plumba

    FrontOnline
    03 Tetor 2020

    Hamdi Novobërdaliu i njohur me nofkën “Turku” ka zbrazur një karikator të tërë mbi veturën e Andi Pajazitit i njohur si “Italiani”, gjatë ditës së enjte në qendër të Prishtinës.

    Në një video ekskluzive të siguruar nga Gazeta Insajderi shihet se si “Turku” gjuan me armë teksa vetura e “Italianit” është duke lëvizur.

    “Turku” ndërron dy karikator të revoles dhe gjuan pa ndalë, ku pastaj shihet duke u arratisur.

    Rasti është lajmëruar nga Andi Pajaziti edhe në polici.

    Sipas detajeve të policisë rasti ka ndodhur në rrugën “Isa Kastrati” në orën 12 të ditës, ndërsa në vend ngjarje policia ka gjetur 21 gëzhoja të revoles.

    “Rr. Isa Kastrati, Prishtinë 01.10.2020 – 12:41. Ankuesit meshkuj kosovarë, raportojnë se derisa ishin duke lëvizur me veturë, një person i dyshuar, ka shtënë me armë zjarri në drejtim të tyre, mirëpo përveç dëmeve materiale në veturë, nuk kishte të lënduar. Në vendin e ngjarjes, janë gjetur rreth 21 gëzhoja. I dyshuari ka ikur nga vendi i ngjarjes dhe gjendet në arrati”, thuhet në raporton e policisë.

    Kjo nuk është përleshja e parë në mes këtyre dy personave. Në shtator të këtij viti, Andi Pajaziti – “Italiani” dyshohet se kishte tentuar ta privojë nga jeta Hamdi Novobërdaliun – “Turkun”.

    Lidhur me këtë, policia kishte arrestuar, Pajazitin.

    Pajaziti i njohur edhe si “Italiani” është i përfshirë po ashtu edhe në rastin “Duplex”.

    Andi Pajaziti – “Italiani” siç ka raportuar Insajderi është një mik dhe bashkëpunëtorë i ngushtë i Astrit Mehmetit i njohur me nofkën ‘Llepota’. I cili ende është në arrati dhe kërkohet nga policia.

    Ndërsa, Hamdi Novobërdaliu – “Turku” në vitin 2018 ishte dënuar nga Gjykata Themelore në Prishtinë, me katër vjet burg për vrasje të rëndë në tentativë dhe armëmbajtje pa leje.

    Novobërdaliu, akuzohej se me qëllim të hakmarrjes, në vitin 2011, ka dashur ta provojë nga jeta Florim Arifin.

    Për veprën penale “vrasje e rendë në tentativë”, Noverberdaliu, u dënua me tri vite e gjashtë muaj, ndërsa për “armëmbajtje pa leje”, ishte dënuar me një vit burgim, por gjykata vendosi që me dënim unik, të njëjtin e dënoi me katër vite burgim.

    KEDS vendos 17 trafo të reja në daljen e Ponoshecit të Gjakovës
    Nga Rubrika
    Lajme29 Mars 2024
    Pas konfirmimit të legjitimitetit të një vendimi shumë të rëndësishëm për Komunën e Gjilanit siç ka qenë vendimi për caktimin e lokacionit...
    Lajme29 Mars 2024
    Kryetari i Komunës së Podujevës Shpejtim Bulliqi, ka njoftuar se e ka liruar nga detyra drejtorin për Kulturë, Rini dhe Sport, Pajtim...
    Lajme29 Mars 2024
    Ministrja e Punëve të Jashtme, Donika Gërvalla është pritur në një mënyrë të veçantë në Kalabri. Fëmijët në Kalabri kanë kënduar në...
    Të tjera
    Lajme29 Mars 2024
    Shefi i Grupit Parlamentar të AAK-së, Besnik Tahiri, e ka lëshuar mbledhjen e kryesisë së Kuvendit pasi ka një tendencë për ta...
    Lajme29 Mars 2024
    Komisioni Qendror i Zgjedhjeve ka njoftuar qytetarët me të drejtë vote jashtë Kosove se është hapur regjistrimi për votim në katër komunat...
    Lajme29 Mars 2024
    Brukseli po kërkon nga Kosova dhe Serbia që të lëvizin me zbatimin e pikave të marrëveshjes të pavarura nga njëra-tjetra. Zëdhënësi i...
    Lajme29 Mars 2024
    Kryetari i Aleancës për Ardhmërinë e Kosovës, Ramush Haradinaj ka përkujtuar masakrën e Belegut e Irzniqit të Deçanit si dhe të Poterqit...
    Lajme29 Mars 2024
    Kryetari i Kuvendit të Kosovës, Glauk Konjufca, ka shprehur qëndrimin e tij pro themelimit të cdo komisioni hetimor dhe se për këtë...
    Lajme29 Mars 2024
    Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave...

    FrontOnline, © 2024 Të gjitha të drejtat e rezervuara.