[wp-story]

Sport

PSG-ja i “hakmerret” Bayernit në Mynih, Chelsea fiton pastër ndaj Portos

PSG-ja i “hakmerret” Bayernit në Mynih, Chelsea fiton pastër ndaj Portos
22:56 | 07 Prill 2021

Përfundojnë dy ndeshjet e para çerekfinale të mbrëmjes së sonte në Ligën e Kampionëve.

Kryendeshja e zhvilluar në “Allianz Arena” i ka takuar Paris Saint-Germainit që e ka mposhtur Bayern Munichun me rezultat 2:3.

Protagonisti kryesor në këtë fitore të madhe për francezët ishte Kylian Mbappe që realizoi dy herë (3’, 68’), teksa golin tjetër për parisienët e shënoi Marquinhos (28’).

Bavarezët përkundër dy golave të shënuar nga Choupo-Moting (37’) dhe Muller (60’) nuk arriti që të paktën të barazonte në duelin e parë.

Bayern Munich e vuajti mungesën e sulmuesit polak, Robert Lewandowskit, që pritet të mungojë edhe në ndeshjen e dytë në “Parkun e Princave”.

Përballja tjetër e zhvilluar në stadiumin “Sanchez Pizjuan” në Sevillë të Spanjës ndërmjet Portos dhe Chelsea, i ka takuar mysafirëve nga Londra.

Të besuarit e trajnerit gjerman, Thomas Tuchel fituan me rezultat të pastër 0:2 ndaj portugezëve.

Mason Mount me një gol të bukur (32’) dhe Ben Chilwell (85’) ishin vendimtar në këtë fitore të Chelseas që tashmë është një hap larg gjysmëfinales.

“Petrol Company” ndihmon më shumë se 200 familje për festën e Fitër Bajramit (VIDEO)

Të tjera