×
  • Lajme
  • Lajme

    Provokojnë sërish serbët, vendosin një flamur të madh të Serbisë tek “Ura e Ibrit” në veri

    FrontOnline
    26 Shtator 2022

    Veriu i Kosovës vazhdon të mbetet zona më e ndjeshme e gjithë vendit.

    Pavarësisht se vazhdimisht është bërë thirrje që të respektohen ligjet e Kosovës, një gjë e tillë nuk ka ndodhur asnjëherë.

    Duke shkuar edhe më tutje, provokimet nga ana e serbëve në veri janë ta vazhdueshme.

    Pak më parë pikërisht në afërsi tek Ura e Ibrit në veri të Mitrovicës serbët kanë vendosur një flamur të madh të Serbisë.

    Nuk është bërë e ditur se për çfarë arsye është vendosur ky flamur, por në fotografitë e siguruara nga lajmi.net shihet se madhësia është tejet e vërejtshme dhe duket posa hynë në veri të Mitrovicës.

    Duhet përkujtuar që muajve të fundit incidente të njëpasnjëshme ka patur në veri.

    Sulme të shumta të serbëve në drejtim të zyrtarëve policorë të Kosovës, bën që siguria e tyre të jetë shpesh herë në pikëpyetje.

    Gurë të vendosur në rrugë, të shtëna me armë, bllokim i rrugëve e shumë veprime të tjera të ndërmarra nga serbët shpesh herë kanë rrezikuar të gjithë ata.

    Për shkak të mos respektimit të vendimeve që Qeveria e Kosovës mori së fundi, serbët madje kishin vendosur edhe barrikada në Bërnjak dhe Jarinje.

    Të njëjtit nuk pajtoheshin fillimisht me vendosjen e targave të Kosovës, e as me marrëveshjen për dokumente në hyrje-dalje të dy vendeve.

    Tashmë është arritur që marrëveshja për dokumentet të respektohet, derisa marrëveshja për heqjen e targave ilegale dhe vendosjen e targave legale të Kosovës mbetet ende në pikëpyetje.

    E gjithë kjo për shkak se numri i serbëve të cilët deri tani kanë vendosur që t’i ndërrojnë ato është tejet i vogël.

    Madje ditë më parë, kryeministri Albin Kurti, bëri thirrje në drejtim të qytetarëve serbë që t’i ndërrojnë tabelat e automjeteve nga ato ilegale në legale.

    Është vetë ministri i Brendshëm, Xhelal Sveçla që javën e kaluar ka njoftuar se një zyrtari policor në veri i është djegur vetura, pasi i njëjti kishte ndërruar targat. Kurse një qytetari tjetër i është djegur depoja, për të njëjtën arsye.

    Ai madje ka bërë thirrje nga presidenti serb, Aleksandar Vuçiq që të ndalojë përkrahjen që ka ndaj strukturave ilegale serbe në veri të vendit.

    Duhet përkujtuar që gjatë këtij viti shumë rrugë ilegale të cilat përdoreshin nga serbët në veri janë mbyllur.

    Zyrtarët policorë pavarësisht kërcënimeve të shumta nga të shtënat me armë kanë vazhduar të kryejnë detyrën e tyre në pikat kufitare të Kosovës.

    Thirrje për mos-provokim dhe mos eksalim të situatës ka pasur vazhdimisht nga zyrtarët e Bashkimit Evropian, por edhe nga Shtetet e Bashkuara të Amerikës.

    Në vendosjen e fundit të barrikadave nga serbët në veri, nga KFOR-i kishin deklaruar se janë të gatshëm të monitorojnë situatën vazhdimisht në këtë anë.

    Derisa situatë muajve të fundit nuk ka qenë aspak e qetë, siç duket serbët po vazhdojnë që edhe sonte të nxisin provokime duke vendosur flamurin e Serbisë në afërsi tek Ura e Ibrit.

    Shumë sport në platformën Artmotion, sezoni i ri në ligat më të forta të botës sjellë shumë ekskluzivitete
    Nga Rubrika
    Lajme29 Mars 2024
    Kosova dhe Mali i Zi nënshkruan gjatë ditës së sotme marrëveshjen dypalëshe për Programin e Bashkëpunimit Ndërkufitar IPA III, për vitet 2021-2027....
    Lajme29 Mars 2024
    Drejtoria Rajonale e Policisё nё Pejё sot rreth orës 09:00, ka pranuar njё informacion se gjashtë ditë me parë, rreth orёs 17:00,...
    Lajme29 Mars 2024
    Kryeministri i Kosovës, Albin Kurti së bashku me ministrin e Kulturës, Rinisë dhe Sportit, Hajrulla Çeku dhe përfaqësuesin tonë për kontakt me...
    Të tjera
    Bota/Rajoni29 Mars 2024
    Ministrja për Çështje Europiane e Malit të Zi, Maida Gorçeviq, ka thënë se vendi i saj do ta përkrahë anëtarësimin e Kosovës...
    Lajme29 Mars 2024
    Deputetja e PDK-së, Ariana Musliu-Shoshi, ka reaguar pasi sot në Prokurorinë e Kosovës po intervistohet ambasadori i Kosovës në Kroaci, Martin Berishaj....
    Lajme29 Mars 2024
    Komandanti i misionit të KFOR-it në Kosovë, Ozkan Ulutash, sot është takuar me ministrin e Mbrojtjes së Republikës së Italisë, Guido Crosetton,...
    Lajme29 Mars 2024
    Artmotion, platforma lidere në Kosovë, dhe DigitAlb, platforma lidere në Shqipëri, janë të lumtur të njoftojnë se kanë arritur një marrëveshje për...
    Lajme29 Mars 2024
    Deputetja e PDK-së, Ariana Musliu-Shoshi, ka reaguar pasi sot në Prokurorinë e Kosovës po intervistohet ambasadori i Kosovës në Kroaci, Martin Berishaj....
    Lajme29 Mars 2024
    Pas konfirmimit të legjitimitetit të një vendimi shumë të rëndësishëm për Komunën e Gjilanit siç ka qenë vendimi për caktimin e lokacionit...

    FrontOnline, © 2024 Të gjitha të drejtat e rezervuara.