Bota/Rajoni

Protestuesit në Francë e gjuajnë me ngjyrë të kuqe Ministrinë e Shëndetësisë

Protestuesit në Francë e gjuajnë me ngjyrë të kuqe Ministrinë e Shëndetësisë
13:28 | 20 Qershor 2020

Protestuesit francezë të shtunën e kanë gjuajtur me ngjyrë të kuqe Ministrinë e Shëndetësisë së këtij shteti, për të simbolizuar gjakun e atyre të cilët kanë vdekur nga COVID-19 dhe kundër kushteve të dobëta të punonjësve shëndetësorë në sektorin publik.

“Me vite të tëra, punonjësit shëndetësorë na kanë paralajmëruar se nuk kanë burime të mjaftueshme sa i përket stafit, shtretërve dhe pajisjeve, në mënyrë që njerëzit të marrin kujdesin e duhur”, tha Aurelie Trouve, zëdhënëse e grupit aktivist Attac që ishte prapa protestës, raporton Reuters.

Ata gjithashtu vendosën një medalje gjigande ku shkruante “Medalja e Përbuzjes” në shkallët e Ministrisë së Shëndetësisë, për të theksuar dështimin e qeverisë në përfilljen e brengave të punonjësve mjekësorë.

Qeveria e Presidentit Emanuael Macron ka vendosur të paguajë një bonus prej 1,500 eurove për punonjësit shëndetësorë në sektorin publik, si mirënjohje për rolin e tyre gjatë pandemisë.

Sidoqoftë shumica e punonjësve në këtë sektor ndihen se qeveria duhet të bëjë më shumë për ta, ku javën që shkoi u mbajt një protestë nga ana e punonjësve mjekësorë ku edhe shpërtheu dhuna.

Kush janë parakushtet efektivitetit dhe efiçiencës?

Të tjera