[wp-story]

Lajme

Protestat e veteranëve dje u mbajtën pa asnjë problem

Protestat e veteranëve dje u mbajtën pa asnjë problem
11:41 | 10 Korrik 2020

Organizata e Veteranëve të Luftës së UÇK-së (OVL e UÇK-së) bashkë me Shoqatën e ish të Burgosurve Politik të Kosovës dje kanë organizuar protesta në qytete të Kosovës me moton “Në mbrojtje të Luftës Çlirimtare”.

Kjo protestë u organizua pasi Dhoma e Specializuar dorëzoi aktakuzë ndaj ish-eprorëve të UÇK-së, Hashim Thaçi e Kadri Veseli, për shqyrtim në Gjykatën Speciale.

Policia e Kosovës bën të ditur se në qytetet e Prishtinës, Fushë Kosovës, Podujevës, Drenasit , Obiliqit dhe Lipjanit. Numri i pjesëmarrësve në këto protesta ishte afërsisht rreth 100 pjesëmarrës në secilin qytet dhe u janë përmbajtur këshillave të IKSHP-së (mbajtja e distancës dhe vendosja e maskës).

Pos rajonit të Prishtinës, edhe në regjionin e Gjilanit dhe të Ferizajt protestat janë mbajtur dhe gjithçka ka qenë në rregull.

Gjithashtu, edhe në regjionin e Prizrenit, Pejës dhe Gjakovës çdo gjë ka qenë në rregull dje gjatë mbajtjes së protestës.

Po ashtu edhe në regjioni Mitrovicës së Jugut nuk u raportuar për ndonjë incident apo mos respektim të rekomandimeve të IKSHPK-së.

“Graniti” hap showroom-in e dytë në Prishtinë (VIDEO)

Të tjera