×
  • Hulumtime
  • Hulumtime

    Prokuroria nis hetimet ndaj kolegjit “UBT”, regjistroi 1236 studentë më shumë

    FrontOnline
    22 Janar 2020

    Prokuroria Themelore në Prishtinë po e heton kolegjin privat “UBT” pas një Kallëzimi Penal që i ka bërë inspektorari i arsimit që funksionon në kuadër të Ministrisë së Arsimit Shkencës dhe Teknologjisë, raporton portali “Front Online”.
    Hetimet ndaj kolegjit “UBT” kanë nisur për shkak të tejkalimit të numrit të studentëve të regjistruar në vitin akademik 2018/2019, për të cilën parregullsi është raportuar në një hulumtim të botuar nga portali “Front Online” në shtator të vitit 2019.
    Në hulumtimin e “Front Online” bëhej e ditur se UBT ka tejkaluar numrin e 1236 studentëve të regjistruar, me ç’rast këta të fundit do të hasin në vështirësi në vërtetimin e diplomës së tyre në Ministrinë e Arsimit.

    Kolegji UBT rrezikon diplomat e 1 mijë e 236 studentëve (Dokumente)

    Në një përgjigje me shkrim për “Front Online” nga Prokuroria Themelore në Prishtinë konfirmohet se po hetohet kolegji “UBT” për shkak të dyshimit të tejkalimit të studentëve të regjistruar.
    “Duke ju referuar pyetjeve të parashtruara nga ana juaj, lidhur me këtë çështje, mund t’iu njoftojmë se Inspektorati i Arsimit ka ushtruar kallëzim penal ndaj kolegjit “UBT” në Prokurorinë Themelore në Prishtinë për shkak të dyshimit të tejkalimit të studentëve të regjistruar në vitin akademik 2018/19.
    Në këtë kolegj Prokuroria Themelore në Prishtinë ka ndërmarrë veprime hetimore për grumbullimin e informatave dhe provave në sqarimin e kësaj çështjeje. Aktualisht, rasti ndodhet në fazën e zhvillimit të procedurës hetimore”, kanë bërë të ditur nga Prokuroria.

    Edmond Hajrizi, rektor i UBT-së

    Për nisjen e hetimeve për shkak të tejkalimit aq të madh të numrit të studentëve të regjistruar, portali “Front Online” ka kontaktuar edhe rektorin e “UBT-së”, Edmond Hajrizi, i cili ka thënë se nuk janë të njoftuar për kallëzimin penal të ispektoratit të MASHT-it dhe nuk kanë ndonjë informatë për hetimet nga Prokuroria.
    “Nuk kam informacion se po zhvillohen hetime ndaj kolegjit UBT. Ne deri më tani i kemi fituar të gjitha rastet që i kemi pasur, për këtë mund të vini dhe të informohen edhe në zyret tona. Kolegji UBT është i vetmi që i ka respektuar afatet kohore dhe se nuk është e vërtet që e kemi tejkaluar numrin e regjistrimit të studentëve”, ka thënë Hajrizi.
    Portali poashtu ka dërguar email me disa pyetje në adresë të UBT-së për këtë çështje.
    “Front Online” i ka dërguar pyetje edhe inspektoratit të arsimit të MASHT-it për këtë çështje, por ata nuk janë përgjigjur gjatë ditës së sotme.

    /FrontOnline/

     

    BAD NEWS EAGLE BËJNË HISTORI NË LIGËN E LEGJENDAVE DHE DY FINALE FANTASTIKE BASKETBOLLISTIKE TREPÇA – PEJA
    Nga Rubrika
    Hulumtime10 Janar 2024
    Ministria e Shëndetësisë (MSH) ka shpallur tenderin prej më shumë se 22 milionë euro për përfundimin e punimeve në ndërtimin e objektit...
    Hulumtime03 Janar 2024
    Rreth 8 milionë € është qarkullimi vjetor financiar i zyrave të Telekomit të Serbisë (MTS) në territorin e Republikës së Kosovës, bazuar...
    Hulumtime05 Shtator 2023
    Një tjetër veturë luksoze e tipit “Audi A7”, që dikur ishte në pronësi në Hysri Peqanit (Burdushit), i është dhënë për shfrytëzim...
    Të tjera
    Vip29 Mars 2024
    Markat e ndryshme të modës, sidomos ato luksoze, shpeshherë krijojnë produkte me dizajne unike, e të cilat jo rrallëherë edhe kritikohen shumë...
    Lajme29 Mars 2024
    Kryeministri i Kosovës, Albin Kurti, sot do të takohet me disa nga studentët romë, ashkali dhe egjiptianë, në një tryezë të rrumbullakët...
    Lajme29 Mars 2024
    Ministri italian i Mbrojtjes, Guido Crosetto, ka mbërritur në Aeroportin Ndërkombëtar të Prishtinës, “Adem Jashari”. Siç njofton Ambasada e Italisë në vendin...
    Bota/Rajoni29 Mars 2024
    Një autobus me rreth 60 pasagjerë u aksidentua në shtetin perëndimor të Gjermanisë Veriore-Vestfalia, duke lënë të lënduar 21 persona, njëri prej...
    Kronika29 Mars 2024
    Një burrë ka njoftuar policinë se sipas tij, një i dyshuar, i njohur për ankuesin, dyshohet se ia ka vjedhur vetën e...
    Kronika29 Mars 2024
    Policia e Kosovës ka njoftuar se ka arrestuar një person në Prizren, pasi i njëjti kishte ushtruar dhunë fizike ndaj katër personave....

    FrontOnline, © 2024 Të gjitha të drejtat e rezervuara.