Lajme

Prokuroria heton Bulliqin për Mulliqin

Prokuroria heton Bulliqin për Mulliqin
10:45 | 05 Gusht 2022

Prokuroria Themelore në Prishtinë ka nisur hetimet ndaj kryetarit të Podujevës, Shpejtim Bulliqi.

Kjo pas akuzave që bëri në drejtim të tij, ish-drejtori i Inspeksionit, Besnik Mulliq, i cili u shkarkua nga vetë Bulliqi.

Ish-drejtori përmes një postimi në rrjetin social Facebook kishte deklaruar se kryetari e pengoi në zbatimin e ligjit, për rrënimin e disa objekteve në Batllavë.

“Lidhur me pyetjet tuaja ju njoftojmë se Prokuroria është duke i shqyrtuar të gjitha pretendimet e dhëna ne opinionin publik nga zotëri Mulliqi, si dhe do te veproëe konformë dispozitave ligjore ne fuqi” kanë thënë nga prokuroria për Front Online.

Kujtojmë që për këtë çështje, ditë më parë edhe nga Lidhja Demokratike e Kosovës kishte kërkuar hetim nga organet e drejtësisë.

Nga pozita që mbante si Drejtor i Shëndetësisë dha dorëheqje edhe Driton Vela, të mërkurën.

Blini derivate me çmim të lirë dhe hyni në garë për të fituar banesë, iphone 13 e 19 shpërblime tjera

Të tjera