Lajme

Prishtinë: Rrahen mes vete disa persona, lëndohen dy prej tyre

Prishtinë: Rrahen mes vete disa persona, lëndohen dy prej tyre
00:22 | 22 Korrik 2021

Dy persona kanë marrë lëndime trupore pas një rrahje që ka ndodhur mes disa personave  në rrugën “Ilir Konushevci” në Prishtinë.

Me këtë rast të lënduarit janë dërguar për trajtim mjekësor.

Kështu ka bërë të ditur për Klankosova.tv zëdhënësi i policisë për rajonin e Prishtinës Agron Borovci.

Borovci tha se policia i ka shoqëruar dy persona për në stacionin policor.

“Informata është pranuar për një rrahje në mes të disa personave, të ndodhur në rrugën “Ilir Konushevci” në Prishtinë. Policia ka dalë në vendin e ngjarjes ka ndërmarrë veprimet e nevojshme dhe ka shoqëruar në stacionin policor dy persona”.

“Dy persona të lënduar kanë marrë trajtimin e nevojshëm mjekësor. Aktualisht po trajtohen rrethanat e ngjarjes”.

Comodita nis 35 kontejnerë me dyshekë për në SHBA

Të tjera