Policia e Kosovës e ka arrestuar një person i cili është dyshohet ka qenë i përfshirë në një grabitje të armatosur në një institucion mikrofinanciar që kishte ndodhur me datë 8 shkurt në rrugën “Bill Klinton” në Prishtinë.
Atë ditë në këtë institucion mikrofinanciar janë grabitur një shumë parash.Arrestimi i të dyshuarit është bërë në lagjen Emshir.
Tek personi i arrestuar me iniciale D.T, 33 vjeçar, shtetas i Republikës së Kosovës është gjetur në trup një revole.
“Drejtoria Rajonale e Policisë së Prishtinës ka ndërmarrë të gjitha veprimet e nevojshme hetimore e operative me qëllim godijen dhe kapjen e individëve dhe grupeve kriminale që kohëve fundit kanë qenë të implikuar në kryerjen e veprave të grabitjeve të armatosura”.
“Hetuesit nga njësiti i hetimeve të përgjithshme të Prishtinës, konkretizuan sot punën e tyre hetimore e cila rezultoi me arrestimin e një personi i cili dyshohet me bazë të jenë përfshirë në grabitjen e armatosur më datë 08.02.2021 në rrugën “Bill Klinton” në Prishtinë, me ç’rast nën kërcënimin e armës në një institucion mikrofinanciar janë grabitur një shumë parash. Arrestimi u krye në lagjen Emshir, në Prishtinë, përderisa policët e përfshirë në operacion pas një observimi paraprak ndaluan personin: D.T, mashkull, 33vjeç, shtetas i Republikës së Kosovës, të cilit i është gjetë (në trup) dhe sekuestruar një revole”.
Policia ka zhvilluar po ashtu edhe një operacion bastisjeje në banesën ku jetonte i dyshuari.Aty është gjetur edhe një revole tjetër dhe gjëra të tjera që sipas policisë mund të jenë në rastet që janë duke u hetuar.
“Ndërkohë policia ka kryer një operacion bastisjeje dhe ka ushtruar kontrollë të detajuar në një banesë ku jetonte i dyshuari ka arritur të gjejë dhe të sekuestroj : •Një revole (tjetër) si dhe, •Gjësende të tjera të cilat nga hetimet e kryra nga ana e policisë dyshohet të jenë përdorur në rastet që janë në hetim. Ndaj personit të dyshuar për të cilin është ngritur dyshimi i arsyeshëm se është i përfshirë edhe në disa raste të grabitjeve me rekomandimin e prokurorit të shtetit është shqiptuar masa e arrestit policor prej 48 orësh, përderisa po kryhen veprimet vijuese hetimore në procedim të mëtejm të rastit”.
