Ndërmarrja “Prishtina Parking” nga nesër (e enjte) do të fillon me implementimin e pagesave për parkingjet publike, raporton Front Online.

Impelmentimi i pagesave do të nisë në këto rrugë: rr. “Fehmi Agani”, “Rexhep Luci” e “Mark Sopi” në kryeqytet.

Lajmin e ka bërë të ditur për Front Online, kryeshefi i kësaj ndërmarrjeje, Liridon Restelica.

Për të bërë pagesën e parkimit  janë katër mënyra të pagesës, si më poshtë:

1. Pagesa online përmes Telefonit të Mençur/Smartphone duke përdorur Aplikacionin dhe web Faqe-n;
2. Pagesa përmes SMS-it me operatorët e telefonisë mobile IPKO dhe VALA;
3. Pagesa përmes Parking Metrit;
4. Pagesa përmes blerjes së biletave fizike.

Ndryshe, parkingjet publike janë të ndara në tri zona dhe varësisht prej tyre do të bëhet edhe pagesa.

Zona 1 përfshin qendrën; Zona 2 përfshin lagjet “Ulpiana”, “Dardania” dhe “Kodra e Diellit”; kurse në zonën 3 hyn periferia e qytetit./Front Online/