Tashmë edhe zyrtarisht kanë përfunduar garat në Lojërat Mesdhetare “Oran 2022”, raporton FrontOnline.
Kosova edhe njëherë ishte në qendër të vëmendjes duke shkëlqyer me gjashtë medalje, pesë nga xhudo dhe një nga boksi.
Distria Krasniqi, Laura Fazliu e Loriana Kuka dolën të arta ndërsa Flaka Loxha, Akil Gjakova e Shpëtim Bojku fituan të bronzta.
Me suksesin e sportistëve nga Kosova u shpreh e lumtur edhe presidentja Vjosa Osmani.
Osmani në rrjetin social “Facebook” ka falënderuar sportistët për emocionet e dhëna.
Postimi i plotë:
“Me gjashtë medalje, tri të arta🥇dhe tri të bronzta🥉, sportistët tanë po kthehen triumfues në Kosovë.🇽🇰
Këta janë sportistët tanë fantastik, kjo është Kosova, ky është imazhi ynë në botë. Kosovën e nderojnë bashkërisht vajzat dhe djemtë tanë si: Distria, Loriana, Laura, Flaka, Akili, Shpejtimi e shumë të tjerë.
Faleminderit për emocionet që na i dhuruat këto ditë!“./FrontOnline/
