Policia e Kosovës ka arrestuar dy persona sot nën dyshimin se përfituan kundërligjshëm tenderë në vlerë rreth 100 mijë euro.

Sipas komunikatës të Policisë, është vërtetuar se të dyshuarit S.D. dhe A.D, kanë paraqitur si referenca në dosjet e tenderëve në vitin 2021, referenca të cilat nuk e kanë fare të deklaruar qarkullimin në Administratën Tatimore të Kosovës dhe po ashtu kanë paraqitur një qarkullim Bankar të Falsifikuar në një bankë.

Ata akuzohen për veprat penale “Falsifikim i dokumenteve” dhe “Keqpërdorimi dhe mashtrimi në prokurim publik”, sipas kodit penal të RKS-së.

Pas përfundimit të intervistimit është njoftuar prokurori i rastit dhe me vendim të tij,i dyshuari (A. D.) është dërguar ne Qendrën e Mbajtjes, ndërsa i dyshuari (S. D.) me rekomandim të mjekëve dhe në konsultim me Prokurorin e rastit për shkaqe shëndetësore dërgohet për trajtim në përkujdesje mjekësore në sigurim të Policisë.