Policia zvicerane kërkon personin që ka lënë arin në tren

Një ngjarje e pazakontë ka ndodhur në Zvicër, derisa policia zvicerane është në kërkim të autorit

Në vjeshtë të vitit të kaluar, një person kishte lënë një sasi ari në tren. Policia zvicerane ende po e kërkon autorin e këtij veprimi.

Ky person ka kohë deri në 5 vjet që të vërtetojë se kjo sasi ari i përket atij, shkruajnë mediat zvicerane, përcjell albinfo.ch.

Ngjarja kishte ndodhur në tetor të vitit 2019, kur një pako me shufra ari me vlerë 182,000 franga zvicerane u gjet në një tren nga St.Gallen në Lucern, thuhet në njoftimin zyrtar.

Pasi ari nuk ka ende një pronar legal, kjo sasi u konfiskua nga Prokuroria Publike e Lucernit. Pretendimet për të justifikuar shufrat e arit mund të pohohen në prokurori brenda pesë vjetësh.

Benzinë vetëm 1.05 euro në Petrol Company e shumë zbritje tjera në “Be Happy Restorant” dhe Market

Sponsoruar