×
  • Lajme
  • Lajme

    Policia paralajmëron protesta në rast të mos-përmbushjes së kërkesave

    FrontOnline
    22 Janar 2021

    Kryetari i Sindikatës së Policisë së Kosovës, Shaban Tasholli, ka thënë se kanë hequr dorë nga shumë kërkesa të tyre për shkak të gjendjes në të cilën ndodhet Kosova.

    Ai, në Info Magazine të Klan Kosovës, ka deklaruar se aktualisht ata kërkojnë që të rritet pagesa e ndërrimit të natës, pagesa e orëve shtesë, sigurimi i shujtës dhe pagesa e Pakos Emergjente.

    “Ne pakënaqësinë e kemi bukur më herët, por kërkesat tona që kanë qenë në fillim kanë qenë sigurimi shëndetësor, sigurimi aksidental, pensioni invalidor dhe pensioni shëndetësor. I kemi kaluar këto, sepse Kosova është në një situatë të ndjeshme. Ne kemi kërkuar që pagesa e ndërrimit të natës, që është pesë euro, të rritet. Po ashtu kemi kërkuar që të paguhen orët shtesë, që policët punojnë jashtëzakonisht shumë, shujtën dhe pagesën e Pakos Emergjente. Orët shtesë janë duke u paguar ashtu siç jemi pajtuar me kryeministrin. Pagesa e ndërrimit të natës nuk ka ndryshim, derisa sa i përket shujtës kryeministri Avdullah Hoti na ka thënë se nga muaji janar do të ketë shujtë për Policinë e Kosovës”.

    “Kur e kemi pranuar pakon prej 100 eurosh, ne kemi thënë me kryeministrin që dëshirojmë që pakoja jonë të jetë krahas me shëndetësinë. Kërkesa jonë ka qenë në vazhdimësi te Ministri i Punëve të Brendshme, Kryeministri dhe Ministri i Financave që të rishikohen kërkesat e Policisë së Kosovës. Tani është ndarë edhe Pakoja për Arsimin, le të ndajnë sa të duan dhe për kë të duan, por ku e kanë lënë Policinë? Paramendojeni që polici punon 12 orë natën dhe qeveria nuk ka qenë në gjendje që t’ia japë një ushqim, derisa është premtuar se nga muaji janar do të ketë shujtë”.

    Tasholli ka paralajmëruar se Sindikata e Policisë do të organizojë protesta nëse kërkesat e tyre nuk do të plotësohen ditëve në vazhdim.

    “Kërkesa jonë, që e kemi bërë dje, është që kërkojmë Pakon Emergjente të plotë, shujtën nga 1 janari dhe Kontratën Kolektive. Përndryshe, protestat janë të pashmangshme. Ne i kemi dërguar shkresat dhe kemi pritur sot që të marrim përgjigje, si dhe do të presim edhe të hënën dhe të martën. Nëse nuk marrim përgjigje do të mblidhet Këshilli i Përgjithshëm i Sindikatës së Policisë së Kosovës dhe së shpejti do ta caktojmë protestën, sepse kemi pakënaqësi në nivelin shumë të lartë në Polici”.

    KESCO u certifikua me tri ISO Standarde
    Nga Rubrika
    Lajme29 Mars 2024
    Faturimi i rrymës ende s’ka filluar anipse më 9 dhjetor të 2023-tes, KEDS pati nënshkruar kontratë me Elektroserverin për të shpërndarë dhe...
    Lajme29 Mars 2024
    Komisioni për Buxhet, Punë dhe Transfere, si dhe ai për Administratë Publike, Pushtet Lokal, Media dhe Zhvillim Rajonal do të zhvillohen sot....
    Lajme29 Mars 2024
    Ministrja e Drejtësisë, Albulena Haxhiu ka akuzuar përfaqësuesit e Këshillit Gjyqësor dhe Prokurorial për tendencë kushtëzimi për Ministrinë e Drejtësisë. Ajo tha...
    Të tjera
    Lajme28 Mars 2024
    Ambasadori i Mbretërisë së Bashkuar në Kosovë, Jonathan Hargreaves, ka qenë në Mitrovicë ku është takuar me kreun e kësaj komune Bedri...
    Lajme28 Mars 2024
    Lulzim Rafuna, kryetar i Odës Ekonomike të Kosovës (OEK), ka thënë të enjten se imazhi i krijuar për Kosovën që “mund të...
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...

    FrontOnline, © 2024 Të gjitha të drejtat e rezervuara.