Një aksident me fatalitet ka ndodhur në rrugën Kaçanik-Hani i Elezit, raporton FrontOnline.

Lajmin për FrontOnline e ka konfirumuar Agim Gashi nga Policia e Kosovës për Rajonin e Ferizajt.

Sipas tij, aksidenti ka ndodhur në orët e para të mëngjesit të sotëm, me ç’rast në rrethana ende të panjohura ka humbur jetën një person i gjinisë femrore, vdekja e së cilës është konstatuar nga mjekët që ishin në vend të ngjarjes.

”Ju njoftojmë se me datën 29.11.2024 rreth orës 07:30 kemi pranuar një informatë se në rrugën magjistrale Kaçanik-Hani Elezit, tek vendi i quajtur “Kulla me qeshmë” , ka ndodhur një aksident komunikacioni rrugor, ku është përfshirë një veturë. Ekipe të policisë, zjarrëfikësit dhe ambulanca kanë dalë menjëherë në vendin e ngjarjes. Nga hetimet e para mësohet se një veturë Nissan, derisa ka qarkulluar në magjistralen Kaçanik – Hani Elezit, në rrethana ende të pasqaruara ka humbur kontrollin mbi automjet dhe ka dalë jashtë rrugës, duke rënë në humnerë disa metra . Si pasojë e këtij aksidenti një person e gjinisë femër, e moshës madhore ka humbur jetën, vdekja e së cilës është konstatuar nga mjekët në vendin e ngjarjes. Në vendin e ngjarjes kanë dalë edhe Njësia e Hetimeve të Aksidenteve, e cila po e heton rastin Për të gjitha veprimet e policisë është njoftuar prokurori i shtetit. Për informata shtesë do të njoftoheni me kohë” tha Gashi për FrontOnline.