Policia e Kosovës ka dhënë detaje për vrasjen që ka ndodhur në Prishtinë.
Zëdhënësja e Policisë, Flora Ahmeti ka thënë për FrontOnline se vrasja ka ndodhur rreth orës 17:00
“Rreth orës 17:00 policia ka marrë informatën për një vrasje të ndodhur në rrugën ” Ndue Perlleshi” në Prishtinë. Menjëherë pas marrjes së informatës policia ka dalë në vendin e ngjarjes dhe po ndërmerr të gjitha veprimet e nevojshme që konsistojnë në hetimin e rrethanave që karakterizojnë ngjarjen”, ka thënë ajo.
Ahmeti, ka treguar se në lidhje me këtë rast është arrestuar një person.
“Një person është arrestuar si dhe është konfiskuar një armë që dyshohet të jetë arma e përdorur ne rast. Aktualisht jemi në fazën fillestare të ndërmarrjes së veprimeve hetimore dhe atyre të ekzaminimit të vendngjarjes në funksion të ndriçimit të plotë të këtij rasti”, ka thënë ajo./FrontOnline./
