[wp-story]

Lajme

Policia jep detaje për rastin në Lagjen e Spitalit: U dogj vetura e zjarri u përhap në ndërtesë

Policia jep detaje për rastin në Lagjen e Spitalit: U dogj vetura e zjarri u përhap në ndërtesë
15:55 | 15 Shtator 2020

Policia e Kosovës ka dhënë detaje për Front Online, për zjarrin që ka përfshirë sot një veturë në një garazhë në rrugën “Muharrem Fejza” në Lagjen e Spitalit në Prishtinë.

Zëdhënësja e Policisë së Kosovës për rajonin e Prishtinës, Flora Ahmeti, ka treguar se nuk raportohet për ndonjë person të lënduar.

“Rreth ores 14:00 e kemi pranuar informatën për një incident zjarri në një ndërtesë (garazhë) në rrugën Muharrem Fejza në Prishtinë”. Bazuar në të dhënat fillestare nuk raportohet për persona të lënduar”, ka thënë ajo.

Ahmeti ka deklaruar se zjarri nga vetura, më pas është përhapur në objekt.

“Zjarrfikësit dhe policia menjëherë kanë dalë në vendin e ngjarjes,  ku  dyshohet se fillimisht është djegur  një veturë dhe më pas zjarri është përhapur në objekt. Zjarri është lokalizuar, për detaje rreth rastit do të njoftojeni pasi që njësitet kompetente të përfundojnë ekzaminimet e vendit të ngjarjes”, ka thënë Ahmeti./Front Online/

Bonus dhe Premium Kartela të cilat po i ofron Petrol Company, kartelat më të kërkuara nga klientët

Të tjera