[wp-story]

Lajme

Policia jep detaje për aksionin te parkingu i “Albi Mall”

Policia jep detaje për aksionin te parkingu i “Albi Mall”
15:02 | 03 Janar 2021

Policia e Kosovës bashkë me inspektorët komunal të Prishtinës, kanë ndërhyrë gjatë ditës së sotme te një pjesë e parkingut të “Albi Mall” në Prishtinë.

Kjo ndërhyrje erdhi pasi që pronari i pompës së derivateve ‘V-Petrol’, pretendon se një pjesë të parkingut të cilën kjo qendër tregtare e shfrytëzon është në pronësi të tij.

Ky i fundit mbrëm ka vendosur edhe disa rrethojna te kjo pjesë e parkingut, për të parandaluar shfrytëzimin e tij për parkimin e automjeteve.

Pas këtij veprimi ka ndërhyrë policia dhe inspektorët, teksa rasti është cilësuar si “vetëgjyqësi”.

Lajmin e ka konfirmuar edhe Policia e Kosovës, të cilët thanë se po e hetojnë rastin.

“Është aksion i policisë në bashkëpunim me inspektorët komunal, pas urdhëresës së prokurorit dhe gjyqtarit të procedurës paraprake lidhur me një rast vetëgjyqësi i cili po hetohet nga hetuesit e stacionit policor jugu”, thuhet në përgjigjen e Policisë së Kosovës.

 

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera