Një aksion policor është duke u zhvilluar sot në Suharekë.
Lajmin për FrontOnline e ka konfirmuar zëdhënësi i Policisë së Kosovës, Baki Kelani.
Ai ka thënë se ky operacion ka të bëjë me luftën ndaj veprimtarive të ndryshme kriminale.
“Mund të konfirmojmë se sot 20.01.2021, Policia e Kosovës me njësitet e saj relevante, është duke realizuar një operacion policor në rajonin e Prizrenit. Ky operacion policor ka të bëjë me luftën ndaj veprimtarive të ndryshme kriminale”, ka thënë Kelani për FrontOnline.
Kelani, ka treguar se në këtë aksion është arrestuar edhe një person i cili ka qenë në kërkim me urdhër arrest nga Shqipëria.
“Si rezultat i operacionit policor, një person i dyshuar i cili ka qenë në kërkim me urdhër arrest nga Shqipëria per vepra penale “rrëmbim dhe armëmbajte pa leje” është arrestuar, përderisa për informacione shtesë do të informoheni pas përfundimit të operacionit policor”, ka deklaruar ai./FrontOnline/