Dje në Malishevë ka ndodhur një aksident i rëndë trafiku, ku mbeti i vdekur një person dhe u lënduan nëntë të tjerë.
Sipas policisë, vetura të cilën e voziste personi që vdiq, nga pakujdesia ka goditur edhe katër vetura të tjera dhe një kamion.
Si pasojë e këtij aksidenti u lënduan edhe nëntë persona, që sipas policisë pas trajtimit mjekësor janë liruar në shtëpi në gjendje të mirë shëndetësore.
Njoftimi i plotë:
· Fsh. Stapanicë, Malishevë, 04.03.2021 – 13:35. Ka ndodhur një aksident trafiku me fatalitet ku i dyshuari mashkull kosovar duke drejtuar automjetin e tij nga pakujdesia godet 4 vetura dhe një kamion të gjitha me targa vendore. Si pasoj e aksidentit i dyshuari ka ndërruar jetë ndërsa lëndime të lehta trupor kanë pësuar edhe 9 viktima (7 femra dhe 2 meshkuj) kosovarë të cilëve u është ofruar tretman mjekësor në shtëpinë e shëndetit në Kijevë e më pas janë liruar për në shtëpi. Në lidhje me rastin është njoftuar prokurori i shtetit i cili ka dalur në vendin e ngjarjes dhe me vendim të tij trupi i pa jetë i viktimës dërgohet në IML për obduksion.
