Bota/Rajoni

Policia gjermane përgatitet të shtypë protestat në Berlin

Policia gjermane përgatitet të shtypë protestat në Berlin
17:15 | 28 Gusht 2020

Policia gjermane ka përgatitur mekanizmat për të shtypur protestat që mund të ndodhin këtë vikend në Berlin, pasi aktivistët kanë kundërshtuar masat anti-COVID-19, ndërsa kanë bërë thirrje në rrjetet sociale që tu bashkohen të tjerë nga Evropa.

Më shumë se 3,000 policë do të jenë në rrugë dhe do të përdoret edhe uji në rast nevoje, ka thënë policia.

“Kjo dëshirë e hapur për të përdorur dhunë kundër autoriteteve është një dimension i ri për ne”, ka thënë zyrtari i policisë së Berlinit, Marco Langner.

Aktivistët janë shprehur të mllefosur pas vendimit të Berlinit për të ndaluar demonstratat e të shtunës për kundërshtimin e masave të qeverisë, pasi marshuesit në tubimin e fundit nuk vendosën maskat dhe nuk respektuan distancën, shkruan Reuters.

Qyteti është përfshirë nga mijëra kërkesa për mbajtje të protestës këtë fundjavë.

Aktivistët po ashtu e dërguan në gjykatë të premten, prej nga e cila doli përgjigja se ndalimi i protestave ishte antikushtetues, transmeton KOHA.

Aktivistët pritet të shkojnë në tubime në Berlin nga vendet të cilat së fundi janë vënë në listën e vendeve me rrezik të lartë për koronavirus të Gjermanisë, si Spanja, Franca dhe Belgjika duke e rritur rrezikun e shpërthimit të virusit, ka thënë policia.

Kredi me afat rekord të shqyrtimit dhe aprovimit

Të tjera