Lajmi i fundit
[wp-story]

Bota/Rajoni

Policia amerikane arreston personat e armatosur që u përfshinë në të shtëna në protestë

Policia amerikane arreston personat e armatosur që u përfshinë në të shtëna në protestë
12:43 | 16 Qershor 2020

Policia amerikane në Albuquerque dhe ekipi i saj për reagim të shpejtë i kanë arrestuar disa individë të armatosur pasi një person u qëllua me armë gjatë protestës në pjesën e vjetër të qytetit.

“Policia përdori irritues kimikë dhe shok-bomba për t’i mbrojtur zyrtarët dhe për t’i ndaluar individët e përfshirë në të shtëna. Individët janë çarmatosur dhe janë dërguar në mbajtje për t’u marrë në pyetje. Janë dërguar ekipe shtesë për t’u siguruar se zyrtarët mund ta zgjidhin situatën në mënyrë të sigurt”, thuhet në deklaratën për gazetarë.

Kryetari i qytetit, Tim Keller, tha se plagosja ishte një akt tragjik dhe i papranueshëm i dhunës dhe se vepra të tilla nuk kanë vend në qytet, shkruan “CNN”, transmeton Gazeta Express.

Protesta u mbajt afër Muzeut të Historisë Kombëtare dhe komandanti i policisë tha se beson që grupet vigjilente kanë mundur të ndikojnë në nxitjen e dhunës.

Guvernatorja në Neë Mexico, Michelle Lujan Grisham, shkroi në Twitter se individët e armatosur rëndë u përfshinë në protestë për t’i kërcënuar protestuesit dhe për të bërë një shfaqje të pasanksionuar të një force të parregulluar.

Protestat kundër racizmit dhe brutalitetit policor në Shtetet e Bashkuara filluan muajin e kaluar pas vrasjes së afrikano-amerikanit George Floyd nga policia.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera