Planet e Presidentit për të ndërruar zyrat, Hoti akuzon për rritje të shpenzimeve

Kandidati për deputet nga radhët e Lidhjes Demokratike të Kosovës, Avdullah Hoti ka reaguar lidhur me planet e Presidentit Thaçi për t’u zhvendosur në objektin e ish-komitetit. Hoti ka thënë se nuk mund të rritet komoditeti i zyrtarëve publik në kurriz të shpenzimeve publike.

Përmes një postimi në llogarinë e tij në Facebook, Hoti ka thënë se zhvendosja e Presidencës në këtë objekt, pa u bërë zgjidhje për vendosjen e punëtorëve të MKRS’së dhe MBPZHR’së, nënkupton rritje të shpenzimeve qeveritare për qira.

“Është e natyrshme që Presidenca të jetë e vendosur në një objekt më reprezentativ dhe më të përshtatshëm, siç është objekti i Minsitrisë së Kulturës, Rinisë dhe Sportit dhe Ministrisë së Bujqësisë. Por, kjo duhet të ndodhë krahas ndërtimit të objektit ose gjetjes të zgjidhjes për akomodim të dy Minsitrive”, ka shkruar Hoti.

Ndryshe, kërkesë për t’u zhvendosur në këtë objekt kishte bërë edhe ish-Presidentja Atifete Jahjaga.

Në Presidencë kishin konfirmuar ekzistencën e kërkesës e deponuar në Kryeministri në fillim të vitit 2014, por nga e cila pak kohë më vonë presidentja ishte tërhequr pas përllogaritjes së kostos për rinovimin e objektit./Front Online/

Apliko online për kredi në IBAS, përfito subvencionim nga Qeveria

Sponsoruar