Në zgjedhjet e jashtëzakonshme në Kosovë që u mbajtën më 14 shkurt, pjesëmarrja me përqindjen më të madhe të qytetarëve në votime ishte në komunat me shumicë serbe.
Në publikimin e të dhënave nga KQZ’ja, qyteti që kishte përqindjen më të lartë të votuesve ishte Leposaviqi me 85 përqind. Pastaj ishte Zubin Potoku, ku 81.58 për qind e qytetarëve shfrytëzuan të drejtën e tyre për votë.
Komunat e tjera me pjesëmarrjen më të madhe të qytetarëve në zgjedhjet e 14 shkurtit ishin Zveçani me 81.47 përqind dhe Mitrovica Veriore me 69.47 për qind.
Kujtojmë se më shumë se 30 autobusë kanë ardhur nga Serbia që të votonin për zgjedhjet e jashtëzakonshme që u mbajtën të dielën në Kosovë.
Ndërsa në këto zgjedhje subjekti fitues ishte Vetëvendosja, e cila ka marrë 47,85 përqind të votave.
Pas kësaj partie, vendin e dytë e zë PDK, me 17,41 për qind. Pas PDK’së radhitet LDK’ja me 13,08 për qind.
Ndërkaq, AAK ka marrë 7,43 për qind, teksa Nisma Socialdemokrate 2,60 për qind.
