×
  • Lajme
  • Lajme

    Phillips: Duhet caktuar afat për përfundimin e dialogut në mes Kosovës dhe Serbisë

    FrontOnline
    22 Korrik 2020

    Drejtori i Institutit për të Drejtat e Njeriut të Universitetit Kolumbia David Phillips thotë se dialogun në mes Kosovës dhe Serbisë duhet kushtëzuar me afat.

    Vendosja e një afati mund t’i detyrojë palët të marrin vendime të vështira për të arritur marrëveshje, tha ai.

    “Bashkimi Evropian, si ndërmjetës, duhet të përcaktojë një afat për përfundimin e dialogut, sepse procesi nuk duhet të vazhdojë pafundësisht. Unë mendoj se 12 muaj është një periudhë e arsyeshme”, ka deklaruar Phillips, ish këshilltari i lartë i Sekretariatit të KB dhe Departamentit të Shtetit të SHBA.

    Ai beson se përfundimi i negociatave duhet të nënkuptojë, njohje të ndërsjellë të Serbisë dhe Kosovës, si shtete sovrane dhe të pavarura brenda kufijve ekzistues.

    Phillips vlerësoi se është e nevojshme që Shtetet e Bashkuara të dalin në skenë dhe të përdorin ndikimin e saj në inkurajimin e palëve në bisedë për të arritur një kompromis.

    Kur bëhet fjalë për dialog, Phillips tha që është thelbësore të përcaktohet fati i 1.500 personave të zhdukur dhe t’i kushtohet vëmendje marrëveshjeve të arritura deri më tani, të përcaktohet statusi i tyre dhe ato të zbatohen plotësisht.

    Phillips beson se nuk është e qartë nëse Serbia me të vërtetë dëshiron të jetë pjesë e Bashkimit Evropian.

    “Është e rëndësishme që presidenti serb Aleksandar Vuçiq të thotë qartë dhe pa mëdyshje se Serbia është e përkushtuar në anëtarësimin në BE. Ai do të duhet të zgjedhë midis integrimit euro-atlantik dhe romancës të cilën e mban me Rusinë dhe Kinën”, thotë Phillips.

    Ai konsideron se nëse Vuçiq është serioz në lidhje me integrimin me vendet perëndimore – atëherë ndërmjetësi në dialog ka ndikim në proces.

    Phillips thekson se është e rëndësishme që të dy palët në negociata të jenë fleksibilë dhe të gatshëm për kompromis, por që para kësaj, Bashkimi Evropian duhet të ndërtojë besim me Kosovën dhe t’i japë fund çështjes së liberalizimit të vizave.

    Kur bëhet fjalë për atë çfarë duhet të bëjë Prishtina, Phillips beson se Prishtina duhet të zbatojë marrëveshjet e arritura në dialog, kryesisht marrëveshjen për Asociacionin e Komunave me shumicë serbe (AKS).

    Sidoqoftë, ai thekson që AKS duhet të jetë pa kompetenca ekzekutive, në përputhje me dispozitat e Kushtetutës së Kosovës, dhe parimet e vendosura nga Martti Ahtisaari.

    Në të njëjtën kohë, Phillips vlerëson se Serbia duhet të përmirësojë nivelin e respektimit të të drejtave të pakicave, veçanërisht pakicës shqiptare.

    Phillips gjithashtu vlerësoi se propozimi për shkëmbimin e territoreve ishte humbje kohe./Insajderi.org.

    Getinjo për LGBT: Nuk e kam pas mendimin shumë të mirë për ta
    Nga Rubrika
    Lajme29 Mars 2024
    Shoqata e Kosovës për Kërkim dhe Shpëtim ka bërë të ditur se po vazhdojnë kërkimet për gjetjen e një personi të zhdukur...
    Lajme29 Mars 2024
    Faturimi i rrymës ende s’ka filluar anipse më 9 dhjetor të 2023-tes, KEDS pati nënshkruar kontratë me Elektroserverin për të shpërndarë dhe...
    Lajme29 Mars 2024
    Komisioni për Buxhet, Punë dhe Transfere, si dhe ai për Administratë Publike, Pushtet Lokal, Media dhe Zhvillim Rajonal do të zhvillohen sot....
    Të tjera
    Bota/Rajoni28 Mars 2024
    Një aksident trafiku ka lënë të vdekur 45 persona në Afrikën e Jugut, pasi një autobus humbi kontrollin dhe ra nga një...
    Lajme28 Mars 2024
    Ambasadori i Mbretërisë së Bashkuar në Kosovë, Jonathan Hargreaves, ka qenë në Mitrovicë ku është takuar me kreun e kësaj komune Bedri...
    Lajme28 Mars 2024
    Lulzim Rafuna, kryetar i Odës Ekonomike të Kosovës (OEK), ka thënë të enjten se imazhi i krijuar për Kosovën që “mund të...
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...

    FrontOnline, © 2024 Të gjitha të drejtat e rezervuara.