Dialogu mes Beogradit dhe Prishtinës vazhdon më 4 prill. Drejtori I të ashtuquajturës  Zyra për Kosovë, Petar Petkoviq, tha për Radio Beograd 1 se do të diskutohen hapat konkretë për zbatimin e marrëveshjes së Ohrit.

Takimi i shefave të ekipeve negociatore të Beogradit dhe Prishtinës, Petar Petkoviq dhe Besnik Bislimi, do të mbahet më 4 prill në Bruksel.

Petkoviq tha se bëhet fjalë për vazhdimin e dialogut në nivel teknik dhe se do të ndërmerren hapa konkretë për zbatimin e marrëveshjes nga Ohri, me vija të kuqe të shënuara qartë – se Beogradi nuk do të pajtohet kurrë që Kosova të bëhet anëtare e OKB-së dhe se Beogradi as de fakto dhe as de jure nuk do ta njohë pavarësinë e Kosovës.

Ai sqaron se në tekstin e Aneksit, një nga obligimet e para që duhet të përmbushet është obligimi i Kosovës për formimin e Asociacionit të Komunave Serbe dhe se, siç thotë ai, siç është thënë qartë, është në përputhje me marrëveshjet e mëparshme përkatëse nga dialogu në të cilin përcaktohen qartë kompetencat e tij thelbësore.

“Vijat tona të kuqe janë se Beogradi nuk do të pajtohet kurrë që Kosova të bëhet anëtare e OKB-së dhe se Beogradi as de fakto dhe as de jure nuk do ta njohë pavarësinë e Kosovës. Ne mund të diskutojmë gjithçka tjetër që është rënë dakord në aneks dhe shikoni se në cilën mënyrë do ta zbatojmë. Kur ta shikoni tekstin e aneksit, do të shihni se ndër obligimet e para që duhet të përmbushen është obligimi i Prishtinës për formimin e Asociacionit të Komunave Serbe dhe kjo, siç thuhet qartë – në përputhje me marrëveshjet e mëparshme përkatëse nga dialogu, Dihet saktësisht se çfarë është rënë dakord në Bruksel. Kompetencat thelbësore të ZSO-së, qëllimet e saj, organet, si funksionon Komuniteti janë të përcaktuara qartë, duke përfshirë pikën 16, e cila përcakton se Beogradi financon Asociacionin”, tha Petkoviq.

Petar Petkoviq, duke komentuar mesazhet nga Prishtina se marrëveshja nuk parasheh autonomi për serbët dhe se Asociacioni nuk përmendet në marrëveshjen e Ohrit, thotë se pas takimit në Ohër, Prishtina është nën rrethim, ndërsa presidenti Aleksandar Vuçiq ka qenë shumë i kujdesshëm kur u tha se shpresojmë të shkojmë në drejtim të normalizimit të marrëdhënieve.

“Duke pasur parasysh se Prishtina për dhjetë vjet ka refuzuar formimin e Asociacionit, ajo me deklaratat e saj të fundit tregon se nuk është e gatshme të shkojë në atë drejtim, por kjo tani është çështje e Prishtinës dhe e përfaqësuesve dhe ndërmjetësve ndërkombëtarë në dialog, të cilët janë të obliguar që ta detyrojë Prishtinën që ta përmbushë obligimin e saj.Atëherë do të jetë absolutisht e qartë se kush i përmbahet dialogut dhe kush nuk e dëshiron realisht dialogun. Beogradi ka qenë gjithmonë i përkushtuar ndaj dialogut dhe prandaj do të flasim këtë herë. Vetëm dialogu mund të sigurojë normalizimin e marrëdhënieve, sepse vërtet duhet të bashkëpunojmë, të kemi lirinë e lëvizjes dhe që njerëzit që jetojnë në Kosovë të kenë një jetë normale, veçanërisht serbët të cilët janë të shtypur dhe që çdo ditë mbijetojnë sulme të ndryshme dhe dhunë institucionale nga Albin Kurti dhe Prishtina”, thotë Petkoviq./FrontOnline/