Policia e Kosovës ka njoftuar se në 24 orët e fundit në Kosovë, janë raportuar pesë raste të dhunës në familje. Siç thuhet në raportin 24 orësh të Policisë, rastet kanë ndodhur në Prishtinë, Gjakovë, Vushtrri dhe Graqanicë. Nga këto raste janë arrestuar 4 persona.
Një rast i dhunës në familje është raportuar në Prishtinë ku thuhet se është arrestuar një person pasi i njëjti ka ushtruar dhunë ndaj një femre. Rasti tjetër në Prishtinë poashtu është arrestuar një person pasi i njëjti ditë më parë ka ushtruar dhunë fizike.
Në Graqanicë, policia njofton se është arrestuar një person pasi dyshohet se ka sulmuar fizikisht një femër.
Në anën tjetër edhe në Gjakovë është arrestuar një tjetër person pasiqë ka ushtruar dhunë fizike një femër.
Edhe në Vushtri raportohet për një rast të dhunës në familje, ndërkohë që i dyshuari është liruar me procedurë të rregullt.
“Prishtinë 04.12.2022 – 02:00. Është arrestuar i dyshuari mashkull kosovar nën dyshimin se, i njëjti ka ushtruar dhunë ndaj viktimës femër kosovare. Me vendim të prokurorit, i dyshuari pas intervistimit është dërguar në mbajtje.Graqanicë 04.12.2022 – 00:30. Është arrestuar i dyshuari mashkull kosovar pasi i njëjti dyshohet se kishte sulmuar viktimën femër kosovare. Me vendim të prokurorit i dyshuari është dërguar në mbajtje.Prishtinë 26.11.2022 – 09:00. Lidhur me rastin me datën 04.12.2022 është arrestuar i dyshuari mashkull kosovar dhe i njëjti pas intervistimit në konsultim me prokurorin është dërguar në mbajtje.Gjakovë 04.12.2022 – 08:00. Është arrestuar i dyshuari mashkull kosovar nën dyshimin se i njëjti ka ushtruar dhunë fizike ndaj viktimës femër kosovare. I dyshuari pas intervistimit me vendim të prokurorit është dërguar në mbajtje.Vushtrri 03.12.2022 – 20:00. Viktima femër kosovare ka raportuar se i dyshuari mashkull kosovar është duke ushtruar dhunë ndaj saj. Në konsultim me prokurorin, i dyshuari pas intervistimit është liruar në procedurë të rregullt. Rasti është duke u hetuar”, thuhet në raportin e PK-së.
