×
  • Lajme
  • Lajme

    Personat që vdesin nga COVID-19 nuk lahen – Si e presin qytetarët e çka thonë nga BIK

    FrontOnline
    15 Nëntor 2020

    Për shkak të nderimit ndaj njeriut të vdekur, Islami ka përcaktuar që trupi i tij të lahet, të mbështillet në qefin, t’i falet namazi i xhenazes dhe të varroset në varr. Zbatimi i këtyre rregullave është detyrim kolektiv për bashkësinë e xhematit, ku bën pjesë edhe familja.

    Megjithatë kjo rregull sipas Bashkësisë Islame të Kosovës mund të mos zbahet në disa situata. Përjashtim nga kjo rregull, në të gjitha rastet ka personi, kufoma e të cilit është dëmtuar (nga aksidenti, shtypja, zjarri, rënia nga lartësia, e të ngjashme) deri në atë masë sa ekziston frika që nga të fërkuarit me ujë mund shpërfytyrohet edhe më tepër.

    Në këtë rast i jepet tejemum dhe nuk pastrohet me ujë. Pastrimi nuk po zbatohet as për personat myslimanë të cilët po vdesin si pasojë e COVID-19. Bashkësia Islame e Kosovës në mars të këtij viti mori vendim që mos të pastrohen trupat e personave që vdesin nga koronavirusi, e një gjë e tillë u bë për shkak që të mos përhapet sëmundja.

    Por a vlen ende ky vendim dhe sa po gjenë mirëkuptimin e qytetarëve?

    Lidhur me këtë nga Bashkësia Islame e Kosovës kanë bërë të ditur se vendimi është ende në fuqi.

    “Derisa në momentin kur institucionet gjegjëse të Qeverisë së Kosovës të njoftojnë se vendi është i sigurt nga pandemia në fjalë, dhe se nuk paraqitet rrezik i mëtejmë për përhapje të këtij virusi”, kanë thënë nga BIK.

    E me këtë janë pajtuar edhe kosovarët që praktikojnë fenë islame, pasi që sipas BIK janë të vetëdijshëm për rrezikun që kanoset në rast të kontaktit me të prekurit nga sëmundja, apo me ata që kanë ndërruar jetë si pasojë e infektimit me koronavirus.

    “Ata kanë shprehur mirëkuptim dhe gatishmëri që me përpikëri t’i përmbahen vendimeve të Bashkësisë Islame të Kosovës të cilat padyshim se janë për të mirën e tyre si familjarë dhe të shoqërisë në përgjithësi”, kanë thënë nga BIK për rtv.21.

    Por a mund të ketë ndonjë metodë përmes së cilës do të mundësohej larja e personave që kanë vdekur nga koronavirusi?

    Për një gjë të tillë nga BIK thonë jo.
    “Përderisa masat e marra nga Qeveria e Kosovës, Ministria e Shëndetësisë dhe Instituti Kombëtar i Shëndetit Publik të Kosovës, kanë rekomanduar që mos të kemi kontakt me kufomën që ka ndërruar jetë si pasojë e virusit (me qëllim ruajtjen e shëndetit publik), atëherë nuk kemi metodë tjetër për pastrimin e saj, përveç nëse kufoma është pastruar dhe përgatitur nga stafi përgjegjës për pastrim në morgun e spitalit “, thuhet në përgjijen e Bashkësisë Islame të Kosovës.

    Po ashtu bëhet e ditur se arkivoli i të tillëve nuk guxon të hapet, sipas jurisprudencës islame në raste të tilla kufomës i kryhen ritet e caktuara fetare pas varrosjes, dhe se dheu i hedhur mbi arkivol konsiderohet pastrim (zëvendësues i ujit) për të ndjerin.

    Loja e madhe ka filluar nga 31 Janar dhe vazhdon deri me 2 Shkurt në Petrol Company
    Nga Rubrika
    Kronika29 Mars 2024
    Të paktën gjashtë raste të dhunës në familje janë regjistruar në raportin e fundit 24-orësh të Policisë. Dy prej rasteve kanë ndodhur...
    Lajme29 Mars 2024
    Drejtoria Rajonale e Policisë Gjilan, njësia rajonale e trafikut rrugor dhe stacionet policore të Drejtorisë Rajonale të Policisë Gjilan gjatë periudhës kohore...
    Lajme29 Mars 2024
    Presidentja e Kosovës, Vjosa Osmani, ka kujtuar masakrën e Belegut në Deçan, në përvjetorin e 25-të ku u vranë 46 shqiptarë. Osmani...
    Të tjera
    Kronika29 Mars 2024
    Është arrestuar një person në Pejë nën dyshimin për përgatitje të veprës penale “vrasje e rëndë”. Sipas raportit policor, i dyshuari me...
    Bota/Rajoni29 Mars 2024
    Artileri e madhe ushtarake serbe, është parë duke u larguar mbrëmë nga komunat e Luginës së Preshevës. Klan Kosova ka siguruar pamje...
    Lajme29 Mars 2024
    Ish-kryeministri i Malit të Zi, Dritan Abazoviq, ka thënë se vota kundër Kosovës e Malit të Zi në Komitetin për Politikë dhe...
    Bota/Rajoni29 Mars 2024
    Dy tërmete kanë goditur mëngjesin e ditës së premte Greqinë. Sipas mediave të huaja, përcjell Telegrafi, bëhet fjalë për dy tërmete, njëri...
    Lajme29 Mars 2024
    Lidhur me çështjen e rrymës në veri për Front Online ka folur edhe kryesuesi i Asamblesë Komunale të Mitrovicës Veriore, Nexhat Ugljani....
    Lajme29 Mars 2024
    Sot do të mbahet mbledhja e radhës e Kryesisë së Kuvendit. Në rend dite votimi i disa marrëveshjeve ndërkombëtare e themelimi i...

    FrontOnline, © 2024 Të gjitha të drejtat e rezervuara.