×
  • Lajme
  • Lajme

    Përplasje mes ministrit të FSK-së dhe deputetes së PDK-së për shërbimin ushtarak

    FrontOnline
    22 Korrik 2020

    Albin Kurti para deputetëve dhe qytetarëve para se të votohej kryeministër në paraqitjen e programit të tij qeverisës kishte thënë se do të bëjnë shërbimin ushtarak të detyrueshëm prej tre muajsh.

    Kurti kishte thënë se shërbimi ushtarak i obligueshëm që do të jetë me kohëzgjatje tremujore në përputhje dhe standardet më të mira të vendeve të NATO-s.

    Për këtë çështje sot është pyetur në Komisionin për Çështje të Sigurisë dhe Mbrojtjes, ministri i Mbrojtjes, Anton Quni.

    Deputetja e PDK-së, Ganimete Musliu, e cila e quajti ministrin Quni si ministër me fat, pasi tha se i mbijetoi dy qeverive, e pyeti atë a ekziston ende ideja për shërbim ushtarak të rregullt apo të detyrueshëm e prezantuar nga ish-kryeministri Albin Kurti, pasi nuk ka parë buxhet për këtë çështje as në rishikimin e buxhetit, shkruan Reporteri.net.

    Ministri Quni ka thënë se është një pajtueshmëri e qeverisë së kaluar dhe z.Kurtit dhe harmonizim mes programeve LDK-VV dhe tani i njëjti harmonizim është mes LDK-AAK-NISMA që në një të ardhme të aplikohet shërbimi ushtarak.

    “Ka pasur biseda për këtë fushë, shpjegime edhe me autoritetet e qendrat vendimarrëse ndërkombëtare dhe kjo çështje ka shqetësuar një institucion të veçantë, pas shpjegimeve që kemi dhënë me gjeneral Rrhaman Ramën dhe e njohin këtë problematikë, ne kemi marrë një mbështetje”, tha Quni

    Ministri më tej tha se nuk është një çështje e vulosur paraprakisht, por që do trajtim shkencor, ekspertizë të lartë dhe se duhet bashkëpunim ndërinstitucional dhe pas analizave autoritetet më të larta shtetërore legjislative dhe ekzekutive të marrin vendime.
    “Si FSK kemi rolin kyç por për shkak të pandemisë kjo çështje ende nuk është prioritet u trajtimit tonë, presim një situatë më të volitshme që së bashku këtë ide ta shndërrojmë me koncept dhe dokumente tjera që duhet të votohen përmes parlamentit”, tha Quni, shkruan Reporteri.net.

    Pasi ministri Quni nuk dha një afat kohor se kur mund të fillon shërbimi ushtarak, deputetja Musliu i tha ministrit të FSK-së se çka nënkupton me afat të afërt pasi po del që ka qenë një ide populliste nga ish-qeveria Kurti.

    “Kjo ide është mbështet nga të gjithë qytetarët, thatë afat sa më të afërt, çka nënkuptoni? Nuk është ide populiste, por që i shërben qytetarëve. Do të marrim ekspertizë nga shtetet që aplikojnë këtë lloj shërbimi dhe do përcjellën trendët dhe zhvillimet. Po flasim për gjeneratën që sot janë në moshën 12-13 vjeçare pra pas disa vitesh”, tha Quni, shkruan Reporteri.net.

    Deputetja Musliu reagoi sërish duke i thënë ministrit Quni se shërbimi ushtarak i prezantuar nga ish-qeveria ka qenë i paraparë të kryhet brenda mandatit 4 vjeçar dhe siaps saj tash po del që nuk do të kryhet brenda 4 viteve të ardhshme. /Reporteri.net/

    Njoftimet nga KEDS për punimet në rrjet, vendet që do të mbesin pa rrymë
    Nga Rubrika
    Lajme29 Mars 2024
    Deputetja e PDK-së, Ariana Musliu-Shoshi, ka reaguar pasi sot në Prokurorinë e Kosovës po intervistohet ambasadori i Kosovës në Kroaci, Martin Berishaj....
    Lajme29 Mars 2024
    Komandanti i misionit të KFOR-it në Kosovë, Ozkan Ulutash, sot është takuar me ministrin e Mbrojtjes së Republikës së Italisë, Guido Crosetton,...
    Lajme29 Mars 2024
    Artmotion, platforma lidere në Kosovë, dhe DigitAlb, platforma lidere në Shqipëri, janë të lumtur të njoftojnë se kanë arritur një marrëveshje për...
    Të tjera
    Lajme29 Mars 2024
    Ministri i Mbrojtjes i Italisë, Guido Crosetto, pas takimit me homologun kosovar, Ejup Maqedonci në Prishtinë, ka deklaruar se stabiliteti i Ballkanit...
    Lajme29 Mars 2024
    Ka dështuar të mbahet seanca e së premtes shkaku se ka munguar e pandehura Haxhere Berisha, e cila akuzohet bashkë me nëntë...
    Lajme29 Mars 2024
    Policia e Rajonit të Gjakovës ka sekuestruar armë në dy lokacione të ndryshme në fshatin Cermjan të Gjakovës. Në njërin lokacion janë...
    Lajme29 Mars 2024
    Zyrtari i LDK-së, Visar Azemi, ka thënë se sot KEK-u ka dhënë dy kontrata përmes tenderëve të negociuar që kapin vlerën mbi...
    Lajme29 Mars 2024
    Shefi i Grupit Parlamentar të AAK-së, Besnik Tahiri, e ka lëshuar mbledhjen e kryesisë së Kuvendit pasi ka një tendencë për ta...
    Lajme29 Mars 2024
    Komisioni Qendror i Zgjedhjeve ka njoftuar qytetarët me të drejtë vote jashtë Kosove se është hapur regjistrimi për votim në katër komunat...

    FrontOnline, © 2024 Të gjitha të drejtat e rezervuara.