Yllka Domi ishte pjesëtare e UÇK-së, ndërsa kishte rënë dëshmore në moshën 16 vjeçare.

Po e reciton poezinë, te cilën e bija e saj e shkroi qysh ne klasën e katërt.

Përveç poezive, Dashurie Domi, kujtim të vajzës i ka vetëm edhe këto fotografi.

Ani pse ende nxënëse në shkollë të mesme, Yllka Domi, iu bashkua Ushtrisë Çlirimtare të Kosovës.

E me 7 maj, në luftimet e ashpra me forcat serbe këtu në Çabrat, ajo ra heroikisht, duke u bërë nga dëshmoret më të reja të luftës së UCK-së.

Sipas nënës së saj, ajo nuk mund ta pranonte të vdiste ndryshe.

Nëna e Yllkës, Dashuria, nuk e ka të lehtë të flas për bijën dëshmore.

Ndërsa thotë se fillimisht iu tha se Yllka ishte plagosur.

16 vjecarja, Yllka Domi, ishte në vitin e fundit të shkollës së mesme, dhe nga nxënëset më të dalluara.

Por, tek ajo dëshira për ta parë vendin e lirë, triumfoi kundrejt asaj për të diplomuar.

E në shkollën “Mazllum Këpuska”, poezitë dhe shkrimet e Yllka Domit, tani ruhen brenda këtij libri.

Profesori i Historisë, Qemajl Kameri, kujton momentet kur ani pse në moshë të re, Yllka vazhdimisht shprehte interesim për tema që preknin çështjet kombëtare.

Madje edhe në hartimet shkollore, temat që i prekte Yllka, kishin të bënin më çështjet kombëtare.

Por, serbët nuk u mjaftuan vetëm më vrasjen e Yllkës.

Ata për ta humbur cdo gjurmë të krimit, e zhvarrosën trupin e saj dhe të shumë shqiptarëve në Gjakovë.

Trupi i Yllka Domit, u gjet më pas brenda një varri masiv në Batajnicë të Beogradit.

Ajo u varros në vitin 2003, në varrezat e dëshmorëve të Çabratit.

Ndërsa për këtë, sa ishte gjallë, kishte shkruar edhe këtë poezi.