Përmbytjet e shkaktuara nga shirat e dendur kanë vrarë të paktën 29 persona dhe kanë shkatërruar dhjetëra shtëpi në lindje të Afganistanit.
Shirat e rrëmbyeshëm kanë përfshirë provincat Parwan, Kapisa dhe Nangarhar në 24 orët e fundit. Të paktën 20 njerëz u vranë dhe 50 u plagosën në Parwan, sipas Mohammad Nasib Haqqani, një zëdhënës i ministrisë së menaxhimit të fatkeqësive.
Pesë persona u vranë në provincën Kapisa dhe katër në provincën Nangarhar, shtoi ai. Njëqind njerëz janë ende të zhdukur në Parwan, shtoi Hekmatullah Samim, një zëdhënës i guvernatorit të provincës.
Të mbjellat, dhjetëra shtëpi dhe rrugë u shkatërruan”, shpjegoi Mohammad Nasib Haqqani.
Ekipet e shpëtimit dhe emergjencave janë dërguar në zonat e prekura. Dhjetëra afganë vdesin çdo vit nga shirat e rrëmbyeshëm, kryesisht në zonat e varfra rurale ku shtëpitë e improvizuara mund të shemben lehtësisht.
