Cristiano Ronaldo, një prej futbollistëve më të mirë në histori, e nis sot aventurën në Kupën e Botës “Katar 2022” me një ndeshje ndaj Ganës, raporton FrontOnline.
Superylli portugez tashmë ka mbetur pa klub pas largimit nga Manchester Unitedi, por që mbetet plotësisht i fokusuar në botëror.
Kombëtarja portugeze që drejtohet nga Fernando Santos ka shumë futbollistë të talentuar, andaj kanë shpresa për një triumf historik në Katar.
Gana nga ana tjetër, ka futbollistë me potencial dhe me përvojë, andaj kërkon rezultat pozitiv në nisje të botërorit.
Ndeshja në fjalë që është e vlefshme për grupin H nis nga ora 17:00 dhe luhet në “Stadium 974” në Doha.
Ronaldo pritet të startojë nga fillimi në këtë ndeshje, teksa skuadrës do t’i mungojë i lënduari Diogo Jota.
Për Ganën, nuk ka ndonjë shqetësim të madh në aspektin e të lënduarve.
Në gjashtë ndeshjet e fundit, Portugalia ka katër fitore dhe dy humbje, teksa Gana ka tri fitore, dy humbje dhe një barazim.
Formacioni i mundshëm i Portugalisë: Costa; Cancelo, Pepe, Dias, Guerreiro; Neves, Carvalho, Fernandes; B. Silva, Ronaldo, Leao
Formacioni i mundshëm i Ganës: Ati Zigi; Lamptey, Amartey, Djiku, Baba; Partey, Abdul Samed; Sulemana, Kudus, J. Ayew; Williams.
Parashikimi i rezultatit: Portugalia – Gana 2:1./FrontOnline/