Pesë persona janë rrahur ndërmjet tyre në një lokal në “Rrugën B” në Prishtinë.
Ngjarja ka ndodhur sot rreth orë 19:50 dhe pesë persona e përfshir në këtë perleshje janë shoqëruar në Polici.
Rastin e ka konfirmuar për “Gazeta Blic” zyrtari për media në Policinë e Kosovës, Bajram Krasniqi.
“Sonte, në ora 19:50, policia është njoftuar për një rast në një lokal në ‘Rrugën B’. Policia me të pranuar informatën ka intervenuar në atë lokacion. Në Stacionin Policor ‘Jugu’, janë shoqëruar pesë persona të përfshirë në një mosmarrëveshje-rrahje, rasti është duke u kompletuar dhe në konsultim me prokurorin do të procedohet me tutje” deklaroi Krasniqi