Zyrtari i PSD-së, Nol Nushi ka thënë se përfituesi më i madh nga qeveria Hoti përkatësisht Pakoja e Ligjit për Rimëkëmbje, kompania Viva Fresh është donatori më i madh financiar i Albin Kurtit.
Sipas Nushit, në vitin 2019, Vetëvendosje ka pranuar donacion 5 mijë euro nga kjo kompani vit kur u organizuan edhe zgjedhjet parlamentare në Kosovë.
“Përfituesi më i madh nga qeveria Hoti, donatori më i madh financiar i Albin Kurtit. Në vitin 2019, Vetevendosje ka marrë rreth 1.000.000,00€ nga shteti. Kurse sot, merr më shumë se 2.000.000.00€ nga buxheti shtetror. Në po të njëjtin vit ajo ka pranuar zyrtarisht 5000€ donacion nga VIVA Fresh”, ka shkruar Nushi.
Se kjo kompani është një nga donatoret me shumën më të madhe për Vetëvendosje në vitin 2019 pasqyrohet edhe në raportin financiar të kësaj parti të publikuar po atë vit.
Viva Fresh kishte dhuruar 5 mijë euro për VV-në më 7 tetor 2019, një ditë pas zgjedhjeve të 6 tetorit./Express/
