×
  • Lajme
  • Lajme

    Përfaqësuesi i Shqipërisë: Nuk duhet të kalojnë pa ndëshkime serbët që kanë ushtruar dhunë seksuale në Kosovë

    FrontOnline
    20 Prill 2022

    Në seancën e Këshillit të Sigurimit të OKB-së për Kosovën, po shqyrtohet raporti i rregullt gjashtëmujor për Kosovën i Sekretarit të Përgjithshëm të Kombeve të Bashkuara.

    Përfaqësuesi i Shqipërisë në Këshillin e Sigurimit, Ferit Hoxha ka thënë se Kosova ka ndërtuar një demokraci të shëndoshë dhe ajo është një faktorë që sjell paqe në Ballkan.

    “Ne përshëndesim pozitën e qartë të Kosovës në lidhje me Ukrainën, dhe lavdërojmë Qeverinë e Kosovës për gatishmërinë për të strehuar refugjatë përfshirë edhe gazetarët”, tha ai, përcjell Telegrafi.

    Hoxha thotë se nuk ka shumë për t’u thënë në Këshillin e Sigurimit pasi Kosova ka ndërtuar institucione stabile që përmbushin nevojat e qytetarëve.

    “UNMIK-u nuk ka më asnjë rol thelbësor në Kosovë. Sigurinë e ruajnë institucionet e sigurisë në Kosovë e KFOR-i. UNMIK-u kushton shumë dhe duhet të rishikohet prania e këtij misioni në të ardhmen”.

    Përfaqësuesi i Shqipërisë në Këshillin e Sigurimit thotë se dialogu është i mirëseardhur pos sipas tij ai duhet të japë rezultate.

    “Nuk duhet të kalojnë pa ndëshkime ata që kanë ushtruar dhunë seksuale në Kosovë dhe ata që kanë zhdukur persona në luftë. I dëgjojmë klithmat e rreth 20 mijë grave dhe vajzave që janë përdhunuar nga serbët, e të cilët ende janë të pandëshkuar”.

    Ai thotë se pavarësia e Kosovës është realitet.

    “Pavarësia e Kosovës nuk është më temë diskutimi as në këtë Këshill e as përtej këtij. Që nga viti 2008 rajoni ka njohur më shumë paqe dhe perspektivë zhvillimi drejtë Bashkimit Evropian”.

    Hoxha ka thënë se instrumentalizimi i minoriteteve në Kosovë është lojë me zjarr dhe me pasoja shumë të rënda.

    “Disa herë kemi argumentuar se Rusia ka ndikim në Ballkanin Perëndimorë. Dora e zgjatur e Rusisë nuk duhet të pengojë avancimin e rajonit. Duhet të ndëshkohen ata që sulmuan Policinë e Kosovës në veri”, deklaroi Hoxha.

    Nga Rubrika
    Lajme19 Shkurt 2025
    Gazetari Vehbi Kajtazi ka deklaruar se pajisja gjurmuese GPS që iu vendos në veturë i përket Agjencisë së Kosovës për Inteligjencë. Kajtazi...
    Lajme19 Shkurt 2025
    Në qytetin e Malishevës, bastionin e Fatmir Limajt të NISMA’s Socialdemokrate që në zgjedhjet e 9 shkurtit ka garuar në koalicion me...
    Lajme19 Shkurt 2025
    Gazetari Flamur Gajtani ka komentuar përbërjen e emrave të kandidatëve për deputetë të Lëvizjes Vetëvendosje që morën vota më shumë. Në Rubikon...
    Të tjera
    Bota/Rajoni19 Shkurt 2025
    Nga qelia kryetari i bashkisë së Tiranës, Erion Veliaj, u ka bërë thirrje qytetarëve që të aplikojnë për kredi të buta. Veliaj...
    Bota/Rajoni19 Shkurt 2025
    Udhëheqësit botërorë kanë reaguar ndaj komenteve të Donald Trump që etiketon Volodymyr Zelensky një “diktator”. Kancelari i Gjermanisë Olaf Scholz tha se...
    Bota/Rajoni19 Shkurt 2025
    Presidenti ukrainas, Volodymyr Zelensky thotë se të gjithë partnerët e Ukrainës duhet “të kuptojnë qartë” se garancitë e sigurisë për Kievin janë...
    Lajme19 Shkurt 2025
    Aivo Orav, shefi i zyrës së Bashkimit Evropian në Kosovë, deklaron se për heqjen e masave ndaj Kosovës duhet konsensusi i 27...
    Vip19 Shkurt 2025
    Një moment dramatik ka ndodhur brenda shtëpisë së Big Brother VIP Albania 4, ku Livia ka përjetuar një atak paniku pas një...
    Bota/Rajoni19 Shkurt 2025
    Presidenti rus Vladimir Putin tha të mërkurën se vendi i tij duhet të fitojë besimin tek Shtetet e Bashkuara, përpara se t'i...

    FrontOnline, © 2025 Të gjitha të drejtat e rezervuara.