Përfaqësimi i barabartë gjinor në listat e kandidatëve për deputetë nga partitë politike po mbetet në nivelin e dëshirës.
Kështu deklaron Instituti për Politika Sociale “Musine Kokolari”, në një komunikatë drejtuar mediave. Ky Institut shkruan se partitë që kanë dorëzuar listat të shtunën në KQZ, janë kujdesur për të respektuar pragun minimal në Ligjin për Zgjedhje dhe jo Ligjin për Barazi Gjinore.
“Për Institutin për Politika Sociale “Musine Kokalari”, mosrespektimi i legjislacionit që e favorizon barazinë gjinore, tregon se partitë – cilado qoftë ajo që do ta marrë besimin për ta udhëhequr vendin, nuk do t’i vendosë gratë në mënyrë të barabartë edhe në qeverisje. Kjo praktikë tregon edhe nivelin e seriozitetit të premtimeve që në legjislaturën e fundit u bënë për zbatimin e barazisë gjinore në të gjitha propozimet dhe funksionet publike në Kosovë”, thuhet në komunikatë.
Instituti ka publikuar një tabelë ku tregon numrin e përgjithshëm të kandidatëve, numrin e propozuar të burrave dhe grave, dhe përfaqësimin e të dy gjinive në përqindje./FrontOnline/