Bota/Rajoni

Për herë të parë pas një dekade, tkurret popullsia e Gjermanisë

Për herë të parë pas një dekade, tkurret popullsia e Gjermanisë
15:26 | 13 Tetor 2020

Sipas Zyrës Federale të Statistikave, në fund të qershorit në Gjermani kanë jetuar 83.1 milionë njerëz, që i bie rreth 40.000 ose 0.05 për qind më pak se në gjashtëmujorin paraprak.

Hera e fundit kur ishte shënuar rënie e numrit të popullsisë në këtë shtet ishte pjesa e dytë e vitit 2010. Prej asaj kohe, popullsia është rritur vazhdimisht e më së shumti në pjesën e dytë të vitit 2015, kur dyndja e imigrantëve drejt Evropës kishte ndikuar në shtimin e 717.000 banorëve.

Kjo zyrë tha se arsye për rënien e numrit të popullsisë është zvogëlimi i numrit të imigrantëve nga marsi, kur Evropa u godit nga pandemia, deri në maj. Gjatë kësaj periudhe, popullsia u tkurr për 59.000 banorë.

Shumica e vendeve e paralizuan jetën publike dhe shumë prej tyre, përfshirë Gjermaninë, i mbyllën kufijtë, shkruan AP.

Në qershor, popullsia e Gjermanisë u rrit për 4.000 banorë, që ishte shumë më pak se shtimi prej 14.000 banorësh në të njëjtën periudhë të vitit të kaluar.

Ndryshe, Gjermania është shteti i dytë në Evropë për numrin më të madh të banorëve dhe radhitet pas Rusisë, ku jetojnë rreth 145 milionë njerëz.

Prince Coffee House tani edhe në Vjenë të Austrisë

Të tjera