Lajme

PDK bojkoton seancën e jashtëzakonshme të Kuvendit për referendumin serb

PDK bojkoton seancën e jashtëzakonshme të Kuvendit për referendumin serb
19:18 | 14 Janar 2022

Partia Demokratike e Kosovës do ta bojkotojë seancën e nesërme të Kuvendit, e thirrur në orën 14:00, ku do të diskutohet për referendumin e Serbisë brenda territorit të Kosovës.

Shefi i Grupit Parlamentar të kësaj partie, Abelard Tahiri, e ka quajtur të panevojshme mbledhjen urgjente.

Përmes saj, siç thotë ai, qeveria po mundohet ta shmangë përgjegjësinë e vet.

“PDK e sheh krejt të pa nevojshme thirrjen e kësaj seance dhe nuk do t’i përgjigjemi. S’do të jemi pjesë e saj ditën e nesërme. Për ne mbajtja e referendumit të Serbisë në Kosovë përben shkelje të sovranitetit dhe rendit tonë kushtetues. Në këtë kuadër, ne i kemi parapri dhe kemi mbështetur qasjen për të mos lejuar organizimin e këtij referendumi. Do të dëshironim që qeveria të kishte pasur një koordinim më të mirë me vendet e Quintit dhe veçmas me SHBA, pra në raport me këtë çështje”, tha Tahiri.

Kryeministri Albin Kurti ka kërkuar nga kryetari i Kuvendit, Glauk Konjufca që nesër të mbahet seancë e jashtëzakonshme e Kuvendit.

Zyra e kryeministrit përmes një komunikate për media ka bërë të ditur se në seancë do të nxirret një rezolutë e përbashkët ku shprehet vullneti i deputetëve për mbajtjen e referendumit kushtetues të Serbisë në Kosovë.

EKSKULZIVE: Art Motion dhe Klan Kosova fitojnë të drejtën televizive të Superligës, Ligës së parë si dhe Kupës së Kosovës 

Të tjera